Kɛwɔlɛnu 1:14 - ALLALA KUMƐ

¹⁴ Anu dama tora tala anu nyɔgɔn fɛ ladɛn wo rɔ ka to Alla madiyala. Musi donu kofunɛ anu ma, anubɛ Yisa na Mariyama, anubɛ Yisa dɔgɔ-keminɛnu.

Kɛwɔlɛnu 1:14 ပူးပေါင်းရင်းမြစ်များ

Matiyu 12:46

Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na.

Matiyu 21:22

Ni dɛnkɛninyɛ ye wo bolo, wo wa fenfen tara madiyalɛ rɔ, wo si wo sɔrɔn.”

Matiyu 27:55

Musu siyamɛ minnu bilara Yisa fɛ a dɛnbɛn-koe rɔ ka bɔ Kalili, wonu bi nyɔ nun. Anu sɔra wula-yan la ka a mafɛlɛn.

Maraka 15:40

Musi donu sɔnɛ wula-yan la ka a mafɛlɛn. Salomi anubɛ Mariyama, Magadala kɛ anubɛ Mariyama, Yemesi dɔgɔma anubɛ Yusufu na, kɔni, wonu bi anu tɛma.

Maraka 16:1

Sulen-Tele tenbira tumɛ min, Mariyama, Magadala kɛ anubɛ Yemesi na Mariyama anubɛ Salomi, wonu ya fen-suma-diyamɛ san alako nun anu ni ta a kɛ Yisa furi ma.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Luka 23:49

Min bɛɛ ya Yisa lɔn bɛrɛkɛ, ka a sa musinu kuma minnu bilara a fɛ ka bɔ Kalili, wonu sɔra wula-yan la doni koe kɛnu tagbɛ tinɛ.

Luka 23:55

Musi minnu bilara Yisa fɛ ka bɔ Kalili, wonu tara Yusufu fɛ Yisa kanba mafɛlɛn tinɛ ka a furi sa-bole yen a rɔ.

Luka 24:10

Musi kɛnu tɔgɛ le Mariyama, Magadala kɛ anubɛ Yowana anubɛ Yemesi na Mariyama. Wonubɛ musi donu ya koe kɛnu fɔ kilayɛnu ye.

Luka 24:33

Anu wulita ka sɛgi Yerusalɛm kelenna! Anu ya ala karan-den tan-ni-kelen nadɛnnɛ taran anubɛ mɔgɛ donu.

Luka 24:53

Anu tora Alla-Bato-Bɔn la tumɛ bɛɛ baraka birala Alla ye.

Luka 8:20

Mɔgɛ do ya a fɔ Yisa ye ko, “I na anubɛ i dɔgɛnu sɔnɛ luyi ma. I yen-sɔgɛ ye anu na.”

Kɛwɔlɛnu 2:1

Ladɛn min tɔgɛ Pɛntikɔsi, wo kera tumɛ min, dɛnkɛninya-mɔgɛ bɛɛ ladɛnnɛ anu nyɔgɔn fɛ kan-tina-kelen.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Kɛwɔlɛnu 6:4

Nba, male nyɛrɛ si ke mala wati bɛɛ kɛla Alla-matarɛ anubɛ kawandili-bɔɛ la worɔ.”

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

1 Kɔrɛnti 14:13

Min bi kan-gbɛrɛ fɔla, wo ni Alla matara ko a ni sɛnbɛ sɔrɔn ka anu kɔrɛ fɔ mɔgɛnu ye,

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.