3 Yɔni 1:5 - ALLALA KUMƐ

⁵ N diyana-mɔgɛ, i wara n na-kelen-nyɔgɛnu dɛnbɛ min kɛ, hali i ma sundan minnu lɔn, i wara ko-nyimɛ kɛ wonu ye.

3 Yɔni 1:5 ပူးပေါင်းရင်းမြစ်များ

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

3 Yɔni 1:10

N ba ta tumɛ min, n si a labɔ gbɛ ma wo ye ko a ara tɔgɛ sa ma la, ado a ma tonya fɔ wo la mumɛ! Kɔnɔ a ma dan wo dɔrɔn ma. Ma na-kelen-nyɔgɛnu ba ta nyɔ tuma-wo-tuma, a ti wonu fanan tabira. Minnu bi a fɛ ka wonu tabira, a si wonu nakala ka anu gben chɔchi la!

3 Yɔni 1:3

Ma na-kelen-nyɔgɛ donu nara tumɛ min, anu ya ila lanayɛ fɔ n ye. I tonɛ tonyɛ rɔ nya min, wo ya a ma, n sewara bɛrɛkɛ!