3 Yɔni 1:14 - ALLALA KUMƐ

¹⁴ A sɔgɛ ye n na, n ni i yen tiriya! Ma si kirabɔ-nyimɛ kɛ worɔ a kilɛ fɛ.

3 Yɔni 1:14 ပူးပေါင်းရင်းမြစ်များ

Ko-Dabirɛnu 43:23

Wɔli-kɛlɛ wo ya a fɔ anu ye ko, “Wo ni wo yisi-kimɛ. Wo kana kilan. Wobɛ wo fata Alla, wo le ya nɔnfuli di wo ma wola bɔrɛnu tɔ. Wo ya wola dɔn-fen-sɔnkɛ minnu nabɔ, wo donta nde le bolo nun.” Wo kɔma, wɔli-kɛlɛ wo ya Simiyɔn nabɔ yele la.

Daniyɛli 4:1

Mansa Nɛbukanasa ya kilayɛnu nata sibole bɛɛ ma ala nyamanɛ rɔ. A duwara anu ye. A ko, “N bara wo dama kɔndɔn. Alamɛ wo damasi sabatira.

Yɔni 10:3

Da-kandannɛ si dɛ laka a ye. A wa ala sagɛnu kele anu tɔgɛ la tumɛ min, anu si a kan lamɔɛn. A si anu nabɔ.

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:21

Wo kɔma, Yisa ya a fɔ anu ye tun ko, “Alamɛ wo ya yisi-kimɛ sɔrɔn. N Fa Alla ya n sɔ nya min, nde fanan bi wo sɔla wo nya le.”

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Ɛfɛsa 6:23

N na-kelen-nyɔgɛnu, alamɛ ma Fa Alla anubɛ ma Mari Yisa, Allata-Mɔgɔ-Yabɔnɛ ya yisi-kimɛ di wo ma anubɛ keninteyɛ anubɛ dɛnkɛninyɛ.

1 Pita 5:14

Wo ni wo nyɔgɔn kɔndɔn keninteya-kɔndɔli la. Kirasititɛ ye minnu na, alamɛ yisi-kimɛ tora wo bɛɛ fɛ.

2 Yɔni 1:12

Ko siyaman bi nyɔ ka min fɔ i ye kɔnɔ a ma di n ye ka a sɛbɛ kɛdi rɔ. A di n ye, n ni ta i kɔndɔn. Nde nyɛrɛ ni kuma i ye alako mala sewɛ da ni fa.