3 Yɔni 1:12 - ALLALA KUMƐ

¹² Bɛɛ ye n fa Dimitiya tɔgɔ-nyimɛ fɔla, ado anu bi min fɔla, wo bɛɛ tonyɛ. Ma ara mata sereyɛ kofu wo ma. Wo ya a lɔn ko ma ya min fɔ, tonyɛ le.

3 Yɔni 1:12 ပူးပေါင်းရင်းမြစ်များ

Yɔni 19:35

Kɛ bɛɛ mara nun alako min sɛbɛnɛ Allata kitabu rɔ, wo ni bɔ-a-la ko, “Hali a kolo kelen ra ti rakeri.” A sɛbɛnɛ fanan ko, “Anu ya ale min sɔgɔ, mɔgɛnu si wo mafɛlɛn.” (Kɛ bɛɛ mara min ya la, wo le ya wo bɛɛ rakaran. A ya min fɔ, wo bɛɛ tonyɛ le. A ya tonyɛ kɛ bɛɛ rakaran alako wo fanan ni dɛnkɛninya.)

Yɔni 21:24

Karan-dan wo ara koe kɛnu fɔ ka anu sɛbɛ fanan. Ma ya a lɔn ko a ya min fɔ, tonyɛ le.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 22:12

“Kei do ye nyɔ nun, a tɔgɛ Ananayasi. Mɔgɔ-telennɛ le min si Nɛbi Musata tɔn bɛɛ bira. Yahudiya min bɛɛ siginɛ Damasika, wonu si a gbiliya bɛrɛkɛ!

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.

1 Timoti 3:7

A ni ma mɔgɛ la min gbiliyanɛ hali dɛnkɛninyabɛlɛnu bolo alako mɔgɔ kana a lafɛya min si a ma, a ni bui Setanɛta gbonse kɔrɔ.

1 Samuwɛli 12:4

Nyama ya a lasɔnkɔ, anu ko, “Ade, i ma ma kensunya wɛ, hali ka ma tɔrɔ ha ma kɔndɔ ni fili. I ma fen bɔ wɛ ma fenfen bolo.”