2 Timoti 4:8 - ALLALA KUMƐ

⁸ Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

2 Timoti 4:8 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

Yaburi 31:19

Ile ye ko-nyimɛ min bɛɛsi lamarala i gbiliyalɛnu ye, wo kin. Mɔgɛ bɛɛ ya ila ko-nyima-kɛ lɔn. Minnu lara i la, i ye wonu birala a kin na!

Yaburi 7:11

Kiti-tɛgɛla-telenbagɛ le ile la. I ye karagbɛlɛyɛ yilikila le burubukai!

Hɛnkilimaya-Kumɛnu 4:9

Ita gbiliyɛ si ma iko mansɛtɛ. A si ma mansaya-fulɛ la i kuma.”

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Matiyu 24:36

“Mɔgɔ-wo-mɔgɔ ma wo tele lɔn, ni wo ma, a wati, hali melika minnu bi Arinyɛni tɔ. Nde Allata Dan, nde fanan ma wo lɔn fɔ n Fa kelen pe, wo le ya a lɔn.

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Luka 10:12

N ni tonya fɔ wo ye, kiti-tɛgɛ-tele rɔ, Alla si kinikini Sɔdɔm so-burɔ-mɔgɛnu ma ka tenbi soe wo la!

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

1 Kɔrɛnti 2:9

Kɔnɔ hali wo, iko a sɛbɛnɛ Allala kitabu rɔ nya min, “Mɔgɛ ma min yen bɛ wo, a ma min namɔɛn bɛ wo, hali ka a miri min ma wo, Alla ara wo le rabɛn wonu ye a keninɛ minnu bolo.”

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

1 Kɔrɛnti 9:25

Min si a raya buri-kɛ rɔ, wo si a nyɛrɛ ragbɛlɛya a kilɛ fɛ. A ye wo mala alako a ni sarɛ sɔrɔn. Kɔnɔ sara-su wo ti mɛ. Male ye a kɛla alako ma ni sara-su wo sɔrɔn min si to ma bolo tɛban!

2 Kɔrɛnti 5:2

Kɔnɔ ma ye kurunna fani-bɔn kɛnu tɔ kaka, ma bagbuyinu, kɔni. A sɔgɛ ye ma la ko ma fɛrɛ-bɔnku-kurɛ minnu bi Arinyɛni tɔ, wonu ni bila ma kan na iko duruki.

Filipai 3:11

A yigi ye n ma ko Alla si nde nyɛrɛ lawuli ka bɔ sayɛ rɔ iko Mari Yisa.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

1 Tɛsalonaika 5:4

Kɔnɔ ma na-kelen-nyɔgɛnu, wo sa pinpi rɔ min kɛ, wo tumɛ ti wole latɛrɛna iko kankan.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

1 Timoti 6:19

Anu si nɔnfuli ladɛn anu nyɛrɛ ye worɔ. Wo si ma sinan-sigi-kunya la anu ye yarɔ, ado anu si ke ka nimaya-bɛrɛ bira wo la.

2 Timoti 1:10

Kɔnɔ kaka, ma kisilɛ Yisa Kirasiti nara min kɛ, a ara a yira ma la gbɛ rɔ ko Kirasiti ara nɔ-ko sɔrɔn sayɛ ma. A ara habadan-nimayɛ yira ma la kibara-nyimɛ baraka rɔ.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 1:18

Alamɛ Mari ya a dɛnbɛ ko a ni kinikinɛ sɔrɔn Mari bolo kiti-tɛgɛ-lunyɛ! A ya n dɛnbɛ nya min Ɛfɛsa soe burɔ, i ya wo lɔn serr!

2 Timoti 2:5

Mɔgɛ min bi a rayala nyɔgɔn-to-buri rɔ, wo ti barayi sɔrɔn fɔ a wa sereyanu bira.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.

Hiburunu 12:11

Ma tenbi kolole kɔrɔ, a ti ma sewɛ la ma ye wo wati kɔrɔ. A gbɛlɛ, ado a si ma ladiminya. Kɔnɔ tɔ-a-la, min bara a munyu kolole wo kɔrɔ, wonu si yisi-kimɛ sɔrɔn bawo wonu bi ko-latelennɛ le kɛla.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 1:4

Wo le ya a to, ma yɛ ye kilɛ la duwa-belebele wo sɔrɔn-koe la. Alla ara wo lamara wole, ala mɔgɛnu ye. Wo bɛɛ maranɛ wole ye Arinyɛni tɔ. A ti tuli nyɔ, a ti tinya, a ti bɔ a su la.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.