2 Timoti 4:7 - ALLALA KUMƐ

⁷ N bara n buri-nyimɛ kɛ, ado n bi buri-kɛ min na, n bara ke a dan ma. N bara lanayɛ bɛɛ kɛ.

2 Timoti 4:7 ပူးပေါင်းရင်းမြစ်များ

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 17:6

“I ya mɔgɛ minnu di n ma duninya kɛ rɔ, n bara a ma, wonu bara i lɔn. Itɛ le anu na kebi fɔlɔ kɔnɔ i ya anu di nde ma. Anu bara ila kumɛ bira.

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Kɛwɔlɛnu 13:25

Ata wɔlɛ ye nala banna tumɛ min, ale Yɔni ya mɔgɛnu manyinika. A ko, ‘Wo miriya ko yon bi nde la? Wo ye kisilɛ min makɔnɔna, wo ma nde la de! Wo ye nala n kɔma, ado hali ka wola sanbarɛ fulen a kian rɔ, nde ma bɛn ka wo ma.’

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Filipai 1:30

Wo ya n yen kɛlɛ kelen min kɛla fɔlɔ, n bi kɛlɛ kelan wo kun na ha kaka iko wo ye a lamɔɛnna nya min. Nba kaka, wo ni wo sɔ n fɛ kɛlɛ-kɛ-tinɛ kibara-nyimɛla ko la.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 6:12

I ni i se-koe-bɛɛ kɛ ka ta yarɔ dɛnkɛninya-koe rɔ, woletɔ i si habadan-nimayɛ bira i bolo filɛ la i nyɛrɛ ye. Alla ya i kele niyi wo le ma, wo tumɛ i ya sereya-nyimɛ yira dɛnkɛninya-koe rɔ sereya-siyaman yala.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 1:14

Tonyɛ min kerifanɛ i la, i ni wo lamara Allala Ni-Sɛnimɛ-sɛnbɛ baraka rɔ min siginɛ i yisi rɔ.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.