2 Timoti 4:5 - ALLALA KUMƐ

⁵ Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

2 Timoti 4:5 ပူးပေါင်းရင်းမြစ်များ

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Isikiyɛli 33:2

“Ile hadama-dan, n ba na kɛlɛ la nyamanɛ do rɔ tumɛ min, min bi mala, wo fɔ ila mɔgɛnu ye. Nyamanita-mɔgɛ wonu si mɔgɛ do yabɔ alako wo ni ma kila-kandannɛ la.

Isikiyɛli 33:7

“Nba, ile hadama-dan, n bi i sigila Isirɛla mɔgɛnu kuma anu kandan-koe la. N ba min fɔ i ye, i ye anu makawandila wo le la.

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Maraka 13:34

A si ma iko kei min bɔra a warɛ ka ta tagama rɔ. Wo ya ala wɔli-kɛlɛnu to ala bɔn kun na. A ya wɔlɛ to anu kelen-kelennamɛ-bɛɛ bolo. A ya a fɔ da-kandannɛ ye ko a ni a yɛ lakalan.

Maraka 13:37

Nba, n bi min fɔla wo ye, n bi wo le fɔla bɛɛ ye. Wo yɛ-lakalannɛ ni to tolon!”

Luka 12:37

Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.

Kɛwɔlɛnu 21:8

Wo banda kɛ, ma bɔra nyɔ ka ke Sɛsariya soe burɔ. Kawandili-bɔlɛ min tɔgɛ Filipi, ma tara don wo warɛ ko ma ni to ale fɛ. Mɔgɔ wɔrɔnfilɛ minnu bi Marita kilayɛnu dɛnbɛna, wo kelen de Filipi kɛ la.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

Ɛfɛsa 4:12

A ya kɔ-fan kɛnu di le alako Allala mɔgɛnu-tabɛnnɛ ni taran Allata wɔlɛla ko la. A ya wo ma le alako Kirasitita chɔchi ni sabati.

Kɔlɔsi 1:25

Alla ara n ma ata kuma-lakelɛ la alako n ni ata kumɛ-mumɛ-bɛɛ-lakofunɛ lake wole sibolo-gbɛrɛnu tɛma.

Kɔlɔsi 4:17

Wo ni a fɔ Akipasi ye ko a ara wɔlɛ min sɔrɔn Mari bolo, a ni wo ban de!

1 Tɛsalonaika 5:6

Nba, ma kana kinɔgɔ iko doinu. Ma kundennɛ ni to ka ma yɛ lakalan anubɛ ka ma hɛnkili masɔ.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 4:15

I ni koe kɛ bɛɛ kɛ ka i nyɛrɛ di anu ma fasai alako bɛɛ ni i kolo-nya yen dɛnkɛninyɛ rɔ.

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

2 Timoti 2:3

I ni i munyu nyagbɛ kɔrɔ iko Yisa Kirasitita kɛlɛ-den-nyimɛ.

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

Lankɛnimayɛ 3:2

Woletɔ wo ni kunden. Sɛnbɛ-nɛ min bi wo bolo fɔlɔ, wo ni do sa wo kuma yanni a ni ban, ado n bara a yen ko wo ara min kɛ, wo kanbalini ma fɔlɔn ndeta Alla yala.