2 Timoti 4:2 - ALLALA KUMƐ

² ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

2 Timoti 4:2 ပူးပေါင်းရင်းမြစ်များ

Yaburi 40:9

E, Mari, ila mɔgɛ bɛɛ ladɛnnɛ wati min, n ya ila kisi-koe wara-koe fɔ anu ye. I nyɛrɛ ya a lɔn ko n ti n tade a fɔɛ ma muk!

Yona 3:2

“I lasɔ, i ni ta Ninɛfa so-karantan wo rɔ ka nna sarakanɛ lake nyɔ-mɔgɛnu ma iko n bara min fɔ i ye kɛ la.”

Luka 7:23

Sika sa min tɔ ndela ko la, duwa-dan le wo tigi la!”

Luka 7:4

Anu nara Yisa madiya bɛrɛkɛ, anu ko, “A bɛnnɛ i ni kei kɛ dɛnbɛ

Luka 9:60

Yisa ya a yabi ko, “Mɔgɔ-faganɛnu ni anuna mɔgɔ-faganɛ togon. Ile ni ta ka Allala-mansayɛ-kawandili bɔ.”

Kɛwɔlɛnu 13:5

Anu ke Salamisi soe burɔ, anu ya Allala kumɛ fɔ anu ye Yahudiya-dina-bɔnnu na. Yɔni-Maraka tara anu fɛ ka anu dɛnbɛ.

Kɛwɔlɛnu 16:13

Sulen-Tele ma, ma bɔra soe ka ta madiyali-kɛ-tinɛ kan tinɛ do rɔ min bi bɛ dala. Ma ya a lɔn ko Yahudiyanu si anu nadɛn Alla matara tinɛ nyɔ le. Musi minnu nadɛnnɛ nyɔ, ma sigira ka kuma wonu ye.

Kɛwɔlɛnu 20:7

Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 28:16

Ma kera Romu tumɛ min, anu sɔnta ko Pɔli ni to a nyɛrɛ ma bɔn do la. Kɛlɛ-dan do sɔnɛ a dafɛ.

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Kɔlɔsi 1:25

Alla ara n ma ata kuma-lakelɛ la alako n ni ata kumɛ-mumɛ-bɛɛ-lakofunɛ lake wole sibolo-gbɛrɛnu tɛma.

Kɔlɔsi 4:3

Wo ni Alla matara male fanan ye alako Alla ni fɛrɛ-nyimɛ di ma ma ka Kirasitila gbundu-koe lake nya min, ado ka a tɛgɛ wo le ma, n bi yele la kaka.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

1 Tɛsalonaika 5:20

Wo kana wɔlɔyiya-kumɛnu nafɛya.

1 Timoti 4:13

I ni to Allala kitabu karanna mɔgɛ bɛɛ yala. I ni to mɔgɛnu makawandila ka to anu karanna fanan. I raya wonu ma-tinɛ ha n ni na tumɛ min.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

2 Timoti 2:21

A ye wo nya le dɛnkɛninya-mɔgɛnu bara la. Ni mɔgɔ-wo-mɔgɔ ya a fara ko-yogomɛ kɛnu na ka a nyɛrɛ sɛninya, Alla si wo ma ata wɔli-kɛlɛ la min si gbiliyɛ sɔrɔn bawo a sɛnima, ado a rabɛnnɛ wɔlɔ-nyima-su-bɛɛ kɛ-koe la ala kun-tigi ye.

2 Timoti 2:25

A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

Taita 1:13

Nɛbi wo ya min fɔ, tonyɛ le. Wo le ya a to, i ni anu makuma bɛrɛkɛ alako anu ni dɛnkɛninya-kɛndɛ sɔrɔn.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.