2 Timoti 4:18 - ALLALA KUMƐ

¹⁸ Nba, Mari ti sɔn ko-yogoma wo ko-yogoma ni ma n na. A si n nadon Arinyɛni tɔ, ale ye mansayɛ la kan min. Gbiliyɛ ni di a ma habadan! Amina.

2 Timoti 4:18 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yaburi 121:7

Mari si ma lakisi masibɛ bɛɛ ma. Ma lakanannɛ si to ma bolo tolon!

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Matiyu 13:43

Kɔnɔ Allala mɔgɛnu si malan iko tele anu Fa Allala mansayɛ rɔ. Ni min si ko nya-yen, a ni a tole masɔ.”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Luka 11:4

I ni ma makoto ma hakɛ la iko male bɛrɛn bi wonu makotola nya min minnu bi ko-yogomɛ kɛla ma la. I kana sɔn, ma ni don kɔrɔbɔlɛ rɔ.’ ”

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Luka 22:29

Iko n fa ara sɛnbɛ di n ma ka ma kun-tigi la nya min, n si sɛnbɛ di wo ma wo nya na le fanan.

Yɔni 17:15

N sa i madiyala ko i ni anu bɔ duninya kɛ rɔ kɔnɔ n bi i madiyala ko i ni anu tanka Setanɛ ma.

Romu 11:36

Ado nfan, ale le ya fan bɛɛ dan. Fan bɛɛ ye ale le baraka rɔ, ado atɛ le fan bɛɛsi la. Gbiliyɛ ni di ale Alla ma burubukai! Amina.

Romu 16:27

Alla kelen pe min kelan ye hɛnkilimɛ la, alamɛ gbiliyɛ dira ale ma Yisa Kirasiti baraka rɔ habadan! Amina!

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

1 Kɔrɛnti 15:50

N na-kelen-nyɔgɛnu, n bi min ma, wo le kɛ la. Min danta fɛrɛ anubɛ yele la, wo ti ke Allala mansayɛ sɔrɔnna. Ma fɛrɛ-bɔnku-tulutɛ kɛnu ti to habadan!

2 Kɔrɛnti 1:10

A ya ma kisi saya-masiba-wa-su wo ma, ado a si to ma kisila. Wo ye ma dɛnbɛna wola madiyalɛnu tɔ tumɛ min, ma ara ban ma yigi sala a kuma ko a si ma kisi tun. Mɔgɔ siyaman bi anu kan nabɔla Alla ma ka baraka bira a ye mala ko la, ado Alla si wonu yabi ka duwɛ layigi ma kuma.

Kalesiya 1:5

Gbiliyɛ ni to Alla ye habadan! Amina.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Tɛsalonaika 3:3

Wo si ke lala Mari la ko a si wo sɛnbɛ don ka wo tanka Setanɛ ma.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

1 Pita 5:11

Fanka ni to ale ye habadan! Amina.

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

1 Samuwɛli 17:37

Mari ara n matanka yarɛ anubɛ sogo-ferema-masibɛ ma, ado fɔ a wa n tanka Filisiti-kei kɛ masibɛ ma fanan.” Mansa Sɔli ko, “Tana ma wo la. Ta. Alamɛ Mari tora i fɛ.”

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.