2 Timoti 3:2 - ALLALA KUMƐ

² Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

2 Timoti 3:2 ပူးပေါင်းရင်းမြစ်များ

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 52:1

Nfenna ile fen-ba-tigi wa ko-yogomɛ kɛ Alla diyana-mɔgɛ la, i si i nyɛrɛ matɔgɔ wola ko la? Allata lanayɛ si to burubukai!

Aiseya 10:15

Kɔnɔ ale Mari ko tɛgɛran si a fɔ ko a sɛnbɛ kolo a lawɔlilɛtɛ ko? Sɛrɛ sɛnbɛ kolo a lawɔlilɛtɛ ko? A ko gbelekɛ ti mɔgɛ kɔrɔbi. Mɔgɛ le si gbelekɛ kɔrɔbi.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Matiyu 15:6

ko ni min ya wo ma, hali a ma anu gbiliya kɔ-fan wo la tun. Wo wa bila wo benbanuna karan fɛ, wo ye Allala kumɛ mala fuyi la wo nya na le.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Kɛwɔlɛnu 5:36

Wati tenbinɛ, Tudasi wulita ka a nyɛrɛ ma tɔgɔlamɛ la, ado kemini kɛmɛ nani nyɔgɔn (400) bilara a fɛ. Kɔnɔ mɔgɛ do ya wo faga. A gba-fɛ-bilalɛ bɛɛ nyɛnsɛnta. Ala koe mara fuyi la.

Romu 11:18

Woletɔ bolɔn wo minnu kerita a la, wo kana wonu nafɛya. Wo wasinɛ kama? Kɔn-bolɔn le wole la dɔrɔn. Wole ma kɔn-suli bira, kɔn-suli le ya wole bira.

2 Kɔrɛnti 5:15

Ale Yisa fagara mɔgɛ bɛɛ ye, woletɔ minnu belinɛ, wonu kana beli anu nyɛrɛ ye tun fɔ ka beli ale ye min fagara anu ye, ado a wulita anu ye fanan.

Filipai 2:21

Mɔgɔ-toe bɛɛ ye hɔnna a nyɛrɛta koenu denu dɔrɔn na, Yisa Kirasitila koenu ma de!

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

1 Timoti 1:20

Wo do le Haimɛneyasi anubɛ Alɛsanda la, n bara minnu nadon Setanɛta sɛnbɛ kɔrɔ. N ya wo ma alako anu ni fara kuma-yogoma-fɔɛ la Alla ma.

1 Timoti 1:9

Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Timoti 6:4

wo tigi ara a nyɛrɛ kɔrɔbi ka wasi. A ma ko-wo-ko lɔn. A hɛnkili rabasannɛ. Wo si a ma, anu ni sɔsɔli kɛ kumɛnuna ko la. Sɔsɔlɛ wonu si na keliyɛ la min si a ma, wo si faralɛ lana anu tɛma. Wo kɔma, anu bi suila anu nyɔgɛnu ma,

2 Timoti 3:4

Anu si ma mɔgɔ-bolo-labiralɛnu na anubɛ tengberannu. Anu wasinɛ ha ka a dan natenbi. Anu nyɛrɛ-diyana-koe di anu ye ka tenbi Alla wara-koe la.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

Yemesi 4:16

Kɔnɔ kaka, wo wasinɛ. Wo ye wo nyɛrɛ matɔgɔla, ado nyɛrɛ-matɔgɔ-su wo yogo.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

2 Pita 2:12

Anu ma koe minnu nya-yen, anu bi wonu nafɛyala. Anu manɛ iko firarɔ-soge minnu ti anu miri anuna ko-ladan-nyanu ma fɔ ka bila anu kun fɛ. Anu nadannɛ anu bira-koe anubɛ anu faga-koe le la tun, ado anu si na halaki iko firarɔ-sogenu.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 16:11

Anu ya Alla danka Arinyɛni tɔ anuna dumɛ anubɛ anuna tɛlɛ wonuna ko la. Kɔnɔ hali wo, anu ma fara anu kɛ-nya-yogomɛnu na.

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.