2 Timoti 3:16 - ALLALA KUMƐ

¹⁶ Allala kitabu bɛɛ dinɛ ma ma ka bɔ Alla karɛ rɔ. A bɛnnɛ mɔgɛnu ni karan wo fɛ ka ko-yogoma-kɛlɛnu makuma. Wo si mɔgɛnuna fɛɛnu natelen ka anu makolo telenbagayɛ la.

2 Timoti 3:16 ပူးပေါင်းရင်းမြစ်များ

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 119:130

Ita kumɛnu sanɛ gbɛ le ma n ye. Wo le wara waan raka n ma. A si hɛnkilimayɛ di ko nya-yenbɛlɛ ma.

Yaburi 119:9

Kemini-mɛsɛ si ke a nyɛrɛ lasɔlɔla kama? Fɔ ile Marita tɔn-birɛ fɛ!

Hɛnkilimaya-Kumɛnu 15:10

Min bi kila-latelennɛ bolokala, wo si makololi-belebele sɔrɔn. Ni min ya a kan-kɔ sɔ kawandili-kan la, a ti siyi labɔ.

Hɛnkilimaya-Kumɛnu 15:31

Mɔgɛ min si sɔn a tole masɔla kawandili-kan la, a di wo ye ka to sigini hɛnkilimɛnu tɛma tuma-wo-tuma.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Maika 2:7

‘Isirɛla mɔgɛnu dankani de?’ Anu ko, ‘Mari ti a munyu male kɔrɔ tun, wa? Ile lara a la ko a si ko-sufa kɛnu ma ma la, wa?’ Anu ko tun ko, ‘Hali mɔgɛ minnu bi ko-nyimɛ kɛla, Mari ti kuma wonu ye a kin na tun, wa?’ ”

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Matiyu 13:52

Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Matiyu 22:43

Yisa ya anu manyinika ko, “Nfenna worɔ, Allala Ni-Sɛnimɛ ya a ma, Mansa Dawuda ya a kele ko, ‘Mari’? Ado nfan, Mansa Dawuda ya a fɔ ko,

Matiyu 26:54

Kɔnɔ ni wo mara, min sɛbɛnɛ Allata kitabu rɔ, wo si ke bɔla a la kama worɔ?”

Matiyu 26:56

Kɔnɔ kɛ bɛɛ mara alako nɛbinu ya min sɛbɛ Allata kitabu rɔ, wo ni bɔ-a-la.” Nba, karan-dannu bɛɛ bɔra a fɛ ka anu buri.

Maraka 12:24

Yisa ya anu yabi ko, “Wo ara sama feu! Wo ma Allata kitabu lɔn anubɛ Allala sɛnbɛ.

Maraka 12:36

Mansa Dawuda ye a fɔla Allata Ni-Sɛnimɛ baraka rɔ ko, ‘Mari ya a fɔ n Mari ye ko a ni a sigi a bolo-nyimama-kɔɛn wara la ha ale Mari ni a yogenu sa a tontɛ kɔrɔ.’

Yɔni 10:35

Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Yɔni 3:20

Nba, minnu bi ko-yogomɛnu kɛla, wan ma di wonu ye. Anu ti na ke waan ma bawo a ma di anu ye anuna ko-yogomɛnu ni bɔ gbɛ rɔ.

Kɛwɔlɛnu 1:16

“N diyana-mɔgɛnu, Mansa Dawuda ya Yudasi wara-koe min sɛbɛ Allata kitabu rɔ Allala Ni-Sɛnimɛ baraka rɔ, fɔ wo ni bɔ-a-la. Yudasi min bi ma fɛ nun, Yisa ara wo yabɔ alako mabɛ wo ni wɔli ma nyɔgɔn fɛ. Kɔnɔ ale Yudasi sɔra Yisa biralɛnu yarɔ.” (

Kɛwɔlɛnu 18:25

A ya Mari Yisata koe fanan lɔn. A kumara sɛnbɛ-wɛ la Yisa wara-koenu tɔ a kin na kɔnɔ a ya Yɔnila batasili-koe dɔrɔn lɔn.

Kɛwɔlɛnu 20:20

Koe min bɛɛ si ma wo dɛnbɛn-koe la, n ma wo beli wo fenfen na iko wo ya a lɔn nya min. N ya kawandili bɔ ka wo karan gbɛ rɔ anubɛ wola bɔnnu na.

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Kɛwɔlɛnu 28:25

Woletɔ anu wulita bɔla kelen-kelenyɛ ma bawo anu sa kan kelen tɔ. Pɔli ya a fɔ ko, “Allata Ni-Sɛnimɛ ya tonyɛ fɔ ma benbanu ye Nɛbi Aiseya baraka rɔ.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 2:20

Wole miri fanan ko sɔn-yogoma-tiginu anubɛ ko-lɔnbɛlɛnu karan-mɔgɛ le wole la. Allata tɔn-kitabu ye wo bolo min kɛ, wo miri ko lɔnnɛ anubɛ tonya-bɛrɛ ye wole le bolo.

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Romu 4:23

Kumɛ wonu sɛbɛni ma Iburayima dɔrɔnna ko la.

1 Kɔrɛnti 12:7

Alla si ata Ni-Sɛnimɛ yira mɔgɔ kelen-kelennamɛ bɛɛ la alako bɛɛ si sabati anu nyɔgɔn fɛ nya min.

Kalesiya 3:8

Allala kitabu ya a labɔ gbɛ rɔ ma ye bi ma, ko Alla si sibolo-gbɛrɛnu fanan natelen a nyɛrɛ ye dɛnkɛninyɛ fɛ. Wo le ya a ma, Alla ya kibara-nyimɛ wo fɔ Iburayima ye. A sɛbɛnɛ ko Alla si ata duwɛ kɛ duninya-mɔgɛ bɛɛ ye Iburayima baraka rɔ.

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

2 Timoti 2:25

A dinyanɛ ni a sɔsɔlɛnu natelen. Tumado, Alla si fɛrɛ di wonu ma ko anu ni tubi ka tonyɛ lɔn.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Hiburunu 11:1

Minnu dɛnkɛninyanɛ Alla ma, anu lanɛ a la ko anu yigi sanɛ fan min kuma, Alla le si wo di anu ma. Anu ma min yen bɛ, anu lanɛ wo la ko Alla le si wo di anu ma feu!

Hiburunu 3:7

Iko Allata Ni-Sɛnimɛ ya a fɔ nya min, a ko, “Ni wo ya nna kuman-kan lamɔɛn bi,

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.