2 Timoti 2:22 - ALLALA KUMƐ

²² I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ.

2 Timoti 2:22 ပူးပေါင်းရင်းမြစ်များ

Yaburi 119:9

Kemini-mɛsɛ si ke a nyɛrɛ lasɔlɔla kama? Fɔ ile Marita tɔn-birɛ fɛ!

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 6:5

I ni i buri gbɛrɛ wo kɔrɔ iko sensɛ si a buri donse kɔrɔ nya min. I ni i buri a kɔrɔ iko kona si a gban a biralɛ kɔrɔ nya min.

Saraka-Masɔlɛnuta Tɔnnu 15:18

“Ni kei anubɛ ala musi ya anu sa, anu ni forɔn gbesi, anu mɔgɔ filɛ si anu ku worɔ. Anu sɛninyabɛlɛ le Mari yala ha wurɛ la.

Kɛwɔlɛnu 7:59

Anu bi Sitifen mabonna tumɛ min, a ya a kan labɔ Mari ma. A ko, “N Mari Yisa, n niyi bi!”

Kɛwɔlɛnu 9:14

ado a ara sɛnbɛ sɔrɔn saraka-masɔla-wɛnu bolo ka Damasika mɔgɛnu bira minnu bi ile Alla matarala i tɔgɛ rɔ.”

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 10:14

Woletɔ n diyana-mɔgɛnu, wo ni wo matanka bɛsi-kɔ-koenu ma.

1 Kɔrɛnti 14:1

Nba, wo ni wo raya keninteyɛ ma worɔ. Wo ni wo niyi sa Allata Ni-Sɛnimɛta fandɛnu kuma katarala fandɛ wo ma min si a ma, wo ni Allala kumɛ fɔ a kila-bɛrɛ fɛ.

1 Kɔrɛnti 6:18

Wo ni wo buri yɛlɛnyɛ kɔrɔ! Mɔgɛ si hakɛ-gbɛrɛ min bɛɛ kɛ, wo bɛɛ ti a fɛrɛ-bɔnkɛ tɔrɔ iko kɛ. Mɔgɛ wa yɛlɛnyɛ kɛ, wo ye hakɛ-su kɛla min si a nyɛrɛ fɛrɛ-bɔnkɛ tɔrɔ.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

1 Pita 3:11

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.