2 Timoti 2:20 - ALLALA KUMƐ

²⁰ Miran-su-siyaman bi bon-belebele la. Donu nadannɛ sɛnɛ anubɛ wodi-gbɛ la. Donu nadannɛ kɔlɔma la. Bɔnku-dagɛnu bi nyɔ fanan. Donu nadannɛ gbiliyɛla ko la, donu nadannɛ a wɔli-toela ko la.

2 Timoti 2:20 ပူးပေါင်းရင်းမြစ်များ

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Ɛsira 6:5

Min sanɛ wo kuma, Mansa Nɛbukanasa nara sɛnɛ anubɛ wodi-gbɛ-miran minnu na ka bɔ Bato-Bɔn la Yerusalɛm kɔrɔma la, wo bɛɛ ni sɛgi anu gba-kɔrɛ rɔ Alla Bato-Bɔn wo la.”

Bɔ-Koe-Iyipiti 27:3

Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Nimisa Koe 4:2

Mala keminɛnu gbili ma ma iko sɛnɛ-hakikɛ gbili nya min, kɔnɔ anu mani de mɔgɛnu yala kaka iko bɔnku-dagɛ.

Daniyɛli 5:2

ale Bɛlisasa ya a fɔ ala wɔli-kɛlɛnu ye ko anu ni ta sɛnɛ-yi-lafɛ anubɛ wodi-gbɛ-mirannu bi. Bɛlisasa fa bɔra miran wonu na a bolo Alla Bato-Bɔn la Yerusalɛm de! A ya wonu makele le alako ala mɔgɔ-banu wo, ala bara-musinu wo, anubɛ ala fɛ-sigi-musinu ni gbɛɛ min wonu tɔ.

Yɔni 8:49

Yisa ya anu yabi ko, “Nyinato ma nde la. N bi n Fa gbiliyala kɔnɔ wole ye n nafɛyala.

Romu 9:20

Yon bi ile la ka Allala kumɛ sɔsɔ? Bɔnku-dagɛ ti ala sɔlɛ manyinika ko, “Nfenna i wara n nadan ka?”

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,