2 Timoti 2:18 - ALLALA KUMƐ

¹⁸ Anu bara tonya-kilɛ to. Anu bi a fɔla ko Alla ara ban hadama-dan lawulila nun ka bɔ furinu tɛma. Foninyɛ le wo la. Karan wo ye dɛnkɛninya-mɔgɛ donuna dɛnkɛninyɛ tinyana.

2 Timoti 2:18 ပူးပေါင်းရင်းမြစ်များ

Matiyu 15:13

Yisa ya anu yabi ko, “N Fa min bi Arinyɛni tɔ, ale ma fan min ki, a si wo bɛɛ wurun.

Matiyu 22:29

Yisa ya anu yabi ko, “Wo ara sama feu! Wo ma Allata kitabu lɔn anubɛ Allata sɛnbɛ.

Luka 8:13

Sugi min fuira fara-kole ma, wo mani de iko mɔgɛ min bi kumɛ lamɔɛnna, ado a si a bira sewɛ la tiriya! Sugi wo fɛrɛnta kɔnɔ a ma ke a suli yigila. A dɛnkɛninyara wati-kundunɛ kɔrɔ kɔnɔ magbɛrɛnkɛ nara tumɛ min, a ya ala dɛnkɛninyɛ boloka.

Kɛwɔlɛnu 5:39

Kɔnɔ ni Allatɛ le wo la, wo ti ke anu nɔla mumɛ! Wo si a yen ko wo ye Alla le kɛlɛla tun!” Mɔgɔ-banu ya karan-mɔgɔ Kamaliyɛlila kumɛ bira.

1 Kɔrɛnti 11:19

ado a fɛrɛ sa fɔ wo ni taran kan kelen tɔ alako minnu bi ko-latelennɛ kɛla Alla ye, wonu ni gbɛ wo tɛma.

1 Kɔrɛnti 15:12

Nba, ma ye kawandilɛ kɛ bɔla min kɛ ko Kirasiti la ara wuli ka bɔ furinu tɛma, nfenna wo donu bi a fɔla ko furinu na ti wuli?

Kɔlɔsi 3:1

Wobɛ Kirasiti la ara wuli wo nyɔgɔn fɛ min kɛ, nba, wo ni to wo mirila wo koenu ma minnu bi Arinyɛni tɔ, ado Kirasiti siginɛ nyɔ rɔ ala mansaya-sigi-fan kuma Alla kɔɛn-nyimɛ rɔ.

1 Timoti 1:19

I ni ila dɛnkɛninyɛ anubɛ i sɔndɔma-nyimɛ mara a kin na! Mɔgɛ donu ya anu sɔndɔma-nyimɛ to ka fɛɛ sa anuna dɛnkɛninyɛ la.

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Timoti 6:21

ado donu ko lɔnnɛ ye anu bolo kɔnɔ a laban, anu bara dɛnkɛninya-kilɛ to. Alamɛ Allala hinɛ tora wo dama fɛ.

2 Timoti 2:14

I ni ila mɔgɛnu hɛnkili bila kɛ ko ka anu makawandi bɛrɛkɛ Alla yala. Kumɛ minnu ti ko-wo-ko nyinya fɔ ka a lamɔɛnnɛnu tinya, i kana sɔsɔli sa kumɛ wonu ma.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Hiburunu 3:10

Wo le ya a to, n diminyara mɔgɛ wonu ma. Anu ya n boloka ka ta anu kun fɛ! Anu ma sɔn nna kumɛ birala mumɛ!

Yemesi 5:19

N na-kelen-nyɔgɛnu, ni do samara wo tɛma ka tonyɛ boloka, ni mɔgɔ-gbɛrɛ ya a lasɛgi tonya-kilɛ ma tun,

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.