2 Timoti 2:14 - ALLALA KUMƐ

¹⁴ I ni ila mɔgɛnu hɛnkili bila kɛ ko ka anu makawandi bɛrɛkɛ Alla yala. Kumɛ minnu ti ko-wo-ko nyinya fɔ ka a lamɔɛnnɛnu tinya, i kana sɔsɔli sa kumɛ wonu ma.

2 Timoti 2:14 ပူးပေါင်းရင်းမြစ်များ

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yɛrɛmaya 23:36

Kɔnɔ wo kana a fɔ tun ko, “Marita kuma-gbilimɛ le kɛ la,” bawo wo sa fenfen fɔla fɔ wo ye kumɛ minnu nabɔla wo kunyɛnu tɔ, ado ni wo tuira wo ma tinɛ, kumɛ wo si ma kumɛ la wo kuma. Nba, wole ye wota Mari Alla-Nima Sɛnbɛ-Bɛɛ-Tigi kan mayɛlɛmana.

Yɛrɛmaya 7:8

Kɔnɔ i ma a yen, wo lanɛ foninyɛnu na, ado lanaya-fuyi le wonu na.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Kɛwɔlɛnu 15:24

Ma ara a lamɔɛn ko mala mɔgɛ donu tara wo tɔrɔ tinɛ ka wo kɔndɔfili anuna kumɛ fɛ. Kɔnɔ male ma anu sɔ de!

Romu 14:1

Mɔgɛ minnuta dɛnkɛninyɛ ma kolo wo tɛma, wo ni wonu tabira. Ka a fɔ ko kɛ bɛnta, kɛ ma bɛn, wo sɔsɔli-sufa kana na wo tɛma.

Kalesiya 1:7

Kɔnɔ kibara-nyima-gbɛrɛkɛ sa mumɛ! Mɔgɛ donu bi nyɔ minnu bi wo tɔrɔla. Anu bi anu tayala ka foninyɛ basan Kirasitila kibara-nyimɛ la.

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

2 Tɛsalonaika 3:6

Ma na-kelen-nyɔgɛnu, ma ye a fɔla wo ye ma Mari Yisa tɔgɛ rɔ ko minnu bara anu ban wɔli-kɛ-koe ma, wo ni fara wonu na feu! Wonu sa mala kumɛ birala, ado male ma anu nabila wo la.

1 Timoti 1:4

Anu ni fara benba-namu anubɛ benba-tɔgɔ-siyaman-ratɛgɛ-koe la bawo wonu si sɔsɔlɛ dɔrɔn nawuli mɔgɛnu tɛma. Mɔgɛ si kisi nya min, wonu ta ti gbɛ mɔgɛ ye wonu fɛ, ado mɔgɛnu ti kisi dɛnkɛninyɛ kɔma.

1 Timoti 1:6

Mɔgɛ donu bara yɛlɛma ka kilɛ kɛ boloka. Anu burunta kuntanya-kumɛnu fɔla.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

2 Timoti 1:6

Wo le ya a to, n bi i hɛnkili bilala ko Alla ya fandɛ min di i ma, i ni wo mara a kin na! N ya n bole sa i kuma tumɛ min, i ya wo sɔrɔn tumɛ wo le tɔ,

2 Timoti 2:16

I tanka Alla-lɔnbɛliya-kumɛ anubɛ yuwaya-sɔsɔlɛnu ma. Wonu ti ko-wo-ko nyinya fɔ ka mɔgɛnu masɛgi Alla la.

2 Timoti 2:23

Kɔnɔ i kana yuwaya-sɔsɔlɛ anubɛ karanbɛliya-sɔsɔlɛ kɛ. I ya a lɔn ko wonuna ban le kɛlɛ la.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Taita 3:1

I ni ila mɔgɛnu hɛnkili bila ko anu ni sonnɛya kun-tiginu anubɛ sɛnbɛ-tiginu ye. Anu ni wonuna kumɛ bira. Anu ni anu tabɛn kɛwɔli-nyimɛ-bɛɛ kɛ tinɛ.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.

2 Pita 1:13

Fananta n kɛndɛ, n ni to wo makawandila ka wo hɛnkili bila koe wonu na. N bara n miri ko wɔlɛ wo bɛnnɛ nde ma.

1 Samuwɛli 12:21

Wo kana wo nyɛrɛ don bɛsi-kɔ-koenu tɔ. Wonu ti ke wo dɛnbɛna, hali ka wo lakisi bawo tonya sa anu bara-koe rɔ.