2 Timoti 2:12 - ALLALA KUMƐ

¹² Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

2 Timoti 2:12 ပူးပေါင်းရင်းမြစ်များ

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Matiyu 10:33

Kɔnɔ mɔgɔ-wo-mɔgɔ wa a ban n na gbɛ rɔ, nde fanan si n ban a la worɔ n Fa Alla yakɔrɔ min bi Arinyɛni tɔ.

Matiyu 26:35

Pita ya a sɔsɔ, a ko, “Hali anu ya n faga i fɛ kɔnɔ ka a fɔ ko n ma i lɔn, n ti wo fɔ mumɛ!” Karan-dan bɛɛ ya wo fɔ.

Matiyu 26:75

Yisa ya min fɔ Pita ye nun, a hɛnkili labirara wo ko ko, “Yanni dondɔn ni keke bi suyi kɛ rɔ, i si a fɔ kinyama sawa ko i ma n lɔn.” A bɔra luyi ma. A dira biribiri!

Maraka 10:33

Yisa ya a fɔ anu ye ko, “Wo ni wo tole masɔ. Ma ye tala Yerusalɛm soe burɔ. Anu si nde, Hadama-dan don saraka-masɔla-wɛnu anubɛ tɔn-karan-mɔgɛnu bolo tɔ. Anu si n yiliki sayɛ la ka n don sibolo-gbɛrɛnu bolo tɔ.

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 12:9

Kɔnɔ min ba a ban nde la gbɛ rɔ ko nta ma ale la, nde, Hadama-dan si n ban ale fanan na Allala melikanu yala.

Luka 22:29

Iko n fa ara sɛnbɛ di n ma ka ma kun-tigi la nya min, n si sɛnbɛ di wo ma wo nya na le fanan.

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

Luka 9:26

Ni mɔgɛ ya a kan-kɔ sɔ nde anubɛ nna karan la, nde, Hadama-dan wa na nta gbiliyɛ anubɛ n Fa Allata gbiliyɛ anubɛ melika-sɛnimɛnuta wati wa ke tumɛ min, nde fanan si n kan-kɔ sɔ wo tigi la.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Romu 5:17

Tonyɛ le, ka a tɛgɛ mɔgɔ kelan wola hakɛ ma, sayɛ ya mansayɛ kɛ ma kuma. Kɔnɔ Yisa, Allata-Mɔgɔ-Yabɔnɛ ya min ma, wonubɛ kɛ ti sanka anu nyɔgɔn ma. Male ara Allala hinɛ sɔrɔn Yisa baraka rɔ, ado a ya ma sanba telenbagayɛ la fanan. Woletɔ Kirasiti baraka rɔ, male si nɔ-ko sɔrɔn hakɛ ma.

Romu 8:17

Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

Filipai 1:28

Wo kana kilan wo yogenu na mumɛ! Wo si a yira anu na ko anu si na halaki kɔnɔ wole si kisi bawo Alla le ye nɔlɛ dila wo ma!

1 Timoti 5:8

Ni mɔgɛ do ma a warɛ-mɔgɛnu makoe nyinya katarala a nyɛrɛta denbayɛ ma, wo ara a kan-kɔ sɔ dɛnkɛninyɛ la. Mɔgɔ-sufa wonu yogo dɛnkɛninyabɛlɛnu ko.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Lankɛnimayɛ 1:6

A ya ma ma saraka-masɔlɛnu na alako ma ni ma sibolo kelen na ka wɔlɛ kɛ a Fa Alla ye. Alamɛ gbiliyɛ anubɛ sɛnbɛ dira Yisa, Allata-Mɔgɔ-Yabɔnɛ ma habadan! Amina.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”