2 Timoti 2:11 - ALLALA KUMƐ

¹¹ Tonya-kumɛ le kɛ la. Ni ma fagara Yisa fɛ, ma si nimayɛ fanan kɛ a fɛ.

2 Timoti 2:11 ပူးပေါင်းရင်းမြစ်များ

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Romu 6:5

Ado nfan, mabɛ Yisa fagara ma nyɔgɔn fɛ min kɛ, ma si wuli iko a wulita nya min,

Romu 6:8

Mabɛ Kirasiti fagara ma nyɔgɔn fɛ min kɛ, ma lanɛ a la ko mabɛ ale si na nimayɛ kɛ fanan ma nyɔgɔn fɛ,

2 Kɔrɛnti 13:4

Hali a fagara kɔlɔma ma tumɛ min, a fɛrɛ-rafaganɛ a ma kɔnɔ kaka, a ye a niyi la Allata sɛnbɛ rɔ. Male fanan tafaganɛ iko Kirasiti rafaganɛ nya min nun kɔnɔ wo si a yen, ma si to ma niyi la Allata sɛnbɛ rɔ iko Kirasiti ye a niyi la nya min.

2 Kɔrɛnti 4:10

Ma ye Yisala sayɛ dununa ma bagbu-fagatɛnu tɔ, woletɔ ata niyi fanan si yen ma bagbuyinu tɔ.

1 Tɛsalonaika 4:17

Nba, male min kɛndɛ wo wati, ma dama la si dɛn wonu fɛ san-kole rɔ tiriya ka Mari labɛn fɔnyɔ rɔ. Wo kɔma, ma si to Mari fɛ habadan!

1 Tɛsalonaika 5:10

Yisa fagara ma ye alako ni ala nɛ ya ma kɛndɛ taran, ni wo ma, ma faganɛ, wo bɛɛ rɔ, ma si nimayɛ sɔrɔn a bolo.

1 Timoti 1:15

A bɛnnɛ, bɛɛ ni la kuma kelen pe kɛ la ka a bira gben, ko, “Yisa Kirasiti nara duninya rɔ alako hakɛ-tiginu ni kisi,” tonya-kumɛ le wo la, ado nde ya hakɛ kɛ ka tenbi bɛɛ la.

1 Timoti 3:1

Tonya-kumɛ le kɛ la, ni chɔchi-mɔgɔ-bayɛ-sɔgɛ ye mɔgɛ do la, wɔli-nyimɛ-sɔgɛ ye a la wo la.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.