2 Timoti 2:10 - ALLALA KUMƐ

¹⁰ Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

2 Timoti 2:10 ပူးပေါင်းရင်းမြစ်များ

Hɛnkilimaya-Kumɛnu 8:35

Mɔgɛ min si to n nyinina tuma-wo-tuma, wo le ye simayɛ sɔrɔnna, ado a wara-koe si Mari hɛnɛ.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 24:31

Buru-wɛ si fɛ. N si nna melikanu nata duninya-tonko-nanɛ bɛɛ rɔ. Anu si nna mɔgɔ-yabɔnɛnu nadɛn ka bɔ duninya-tonko-nanɛ bɛɛ rɔ.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Luka 22:57

Kɔnɔ Pita ya a masɔsɔ. A ko, “N ma a lɔn ni!”

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 17:9

“N bi madiyali kɛla anu ye. N sa madiyali kɛla dɛnkɛninyabɛlɛnu ye, fɔ i ya minnu di n ma bawo itɛ le anu denu na.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 9:22

Minnu sɔndɔmɛ rafaganɛ, fɔ n ni n nyɛrɛ ma iko anu denu fanan alako n ni wonu masɔrɔn nya min. Fɔ ni n mara fan bɛɛ la mɔgɛ bɛɛ ye alako n ni donu kisi anu tɔ.

2 Kɔrɛnti 1:6

Ma wa tɔrɔyɛ sɔrɔn tuma-wo-tuma, wo si na dɛnbɛn-koe anubɛ kisi-koe la wo ye. Ni male ya dɛnbɛnɛ sɔrɔn, wole fanan ara dɛnbɛnɛ sɔrɔn wo fɛ. Wo si sɛnbɛ di wo ma alako wo si wo munyu wola tɔrɔyɛnu kɔrɔ nya min iko male fanan ya ma munyu tɔrɔya-su min kɔrɔ nun.

2 Kɔrɛnti 12:15

N si sewa ka n bolo-fan bɛɛ ni wola ko la, hali ka n nyɛrɛ niyi fanan sa a kuma wo dɛnbɛn-koe la. Nta keninteyɛ ye koloyala wo ye min kɛ, wo si a ma, wota keninteyɛ ma ni to yigila n bara la, wa?

2 Kɔrɛnti 4:15

Wo dama ye kɛla ka a tɛgɛ wole ma. Nba, Allata hinɛ min bi kela mɔgɔ siyaman ma nya min, anu siyaman si baraka bira Allata gbiliyɛla ko la wo nya na le.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Ɛfɛsa 3:13

Woletɔ n bi wo madiyala ko n bi tɔrɔyɛ min kɛla wola ko la, wo kana a ma, wo yisi ni tinya bawo wota tɔnɛ le tɔrɔyɛ wo bɛɛ la.

Kɔlɔsi 1:24

Nba, anu ba n tɔrɔ tumɛ min, n si sewa wola ko la. Bawo n bagbuyi ye tɔrɔyɛ min sɔrɔnna, n bi Kirasitila tɔrɔyɛ le makofula ata chɔchila ko la wo la, a bagbuyi, kɔni.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

1 Tɛsalonaika 5:9

Alla ma a latɛgɛ ko ma ni ala diminyɛ sɔrɔn kiti-tɛgɛ-lunyɛ. A ye a fɛ, ma ni kisi-koe sɔrɔn ma Mari Yisa, Allata-Mɔgɔ-Yabɔnɛ baraka rɔ.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

2 Timoti 1:1

Nde, Pɔli le ye kɛdi kɛ sɛbɛla. Alla ya n ma Yisa Kirasitila kilayɛ la bawo wo le di ale Alla ye. A ya nimayɛ di n ma iko a ya lanyiri kiri nya min. N ya wo sɔrɔn ka a lake mɔgɛnu ma bawo Yisa Kirasiti lamaranɛ n yisi rɔ.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

2 Timoti 2:3

I ni i munyu nyagbɛ kɔrɔ iko Yisa Kirasitita kɛlɛ-den-nyimɛ.

Taita 1:1

Nde, Pɔli ya kɛdi kɛ sɛbɛ. N mara Allala wɔli-kɛlɛ anubɛ Yisa Kirasitila kilayɛ la. Anu ya n yabɔ ka n nata ko n ni ata mɔgɛnu dɛnbɛ dɛnkɛninyɛ rɔ alako anu ni tonyɛ lɔn mala dina-koe rɔ.

1 Pita 2:10

Fɔlɔ-nun, Allala mɔgɔ ma wo la kɔnɔ kaka, wo ara ma ata mɔgɛnu na. Fɔlɔ-nun, wo ma Allala kinikinɛ lɔn kɔnɔ kaka, wo ara ala kinikinɛ sɔrɔn.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!