2 Timoti 1:5 - ALLALA KUMƐ

⁵ N hɛnkili tonɛ dɛnkɛninya-kɛndɛ wo ko min bi i rɔ. Dɛnkɛninyɛ wo sufa ye i mama Lowisi anubɛ i na Yunasi fanan tɔ, ado n lanɛ a la ko a ye ile fanan tɔ.

2 Timoti 1:5 ပူးပေါင်းရင်းမြစ်များ

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Yaburi 18:44

Sibolo-gbɛrɛ minnu ba n tɔgɛ lamɔɛn, wonu si anu madu n kɔrɔ ka anu bole sa anu dɛ la kilan bolo.

Yaburi 22:10

Kebi n sɔrɔnta lunyɛ min, n lanɛ i la ko nta Alla le ile la.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 77:6

N bi kila n mirila kudu! N tenbi miri kɛ kun na, n bi n nyɛrɛ manyinikala.

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Yaburi 86:16

I ya-lamunun n na ka kinikini n ma. Sɛnbɛ di n ma ka n nakisi bawo nde ye wɔlila i ye iko n na wɔlita i ye nya min nun.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Kɛwɔlɛnu 16:1

Pɔli anubɛ Sailasi tara Dabi anubɛ Lisitira soenu tɔ. Dɛnkɛninya-mɔgɛ do ye nyɔ, a tɔgɔ Timoti. A na fanan lanɛ Yisa la. Yahudiya le a na la kɔnɔ a fa, Kiriki le.

Kɛwɔlɛnu 26:26

ado ale Mansa Agaripa ya koe kɛnu lɔn serr! Woletɔ n si ke kumala i ye yisi-latɛgɛ rɔ. N lanɛ a la ko i wara koe kɛnu lɔn bɛrɛkɛ, bawo koe kɛnu ma kɛ dogɔn tɔ.”

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

Romu 14:5

Donu miriya ko tele do tenbira do la. Donu miriya ko tele bɛɛ kelen. Wo ye min mala, bɛɛ ni wo latɛgɛ a nyɛrɛ yisi rɔ.

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

Romu 4:21

ado a lara a la serr, ko Alla ara lanyiri min kiri a ye, a si wo lakanbali.

Romu 8:38

ado n ya a lɔn serr, ko fenfen ti ke mabɛ ala keninteyɛ farala. Sayɛ wo, nimayɛ wo, melikanu wo, nyina-yogomɛnu wo, koe minnu bi nyɔ kaka wo, koe minnu bi nala yarɔ wo, hali sɛnbɛ-tiginu,

2 Kɔrɛnti 6:6

Ma ara a yira ko Allata wɔli-kɛlɛ le ma la mala sɛninyɛ fɛ, mala lɔnnɛ fɛ, mala munyɛ fɛ, mala nyimayɛ fɛ, anubɛ mala keninteya-bɛrɛ fɛ Allata Ni-Sɛnimɛ baraka rɔ.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Timoti 4:6

Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 6:9

N diyana-mɔgɛnu, hali ma ara koe kɛnu fɔ wo ye kɔnɔ ma lanɛ wole la gben! Ma ya a lɔn ko wo ye koenu mala iko mɔgɔ-kisinɛnu si a ma nya min.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.