2 Timoti 1:13 - ALLALA KUMƐ

¹³ N ya i karan kuma-kɛndɛ minnu na, wonu bira gben! Wonu ni ma misalɛ la ile ye ko i ni wo nyɔgɔn kɛ. Dɛnkɛninyɛ anubɛ keninteyɛ minnu bi ma bolo Yisa Kirasiti baraka rɔ, i ni to wonu tɔ.

2 Timoti 1:13 ပူးပေါင်းရင်းမြစ်များ

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Hɛnkilimaya-Kumɛnu 3:18

Minnu bara ma hɛnkilimɛnu na, wonu bara sewa. Ni minnu ya wo sɔrɔn, a si simayɛ di wo tigi ma.

Hɛnkilimaya-Kumɛnu 3:21

nna den, hɛnkilimayɛ anubɛ ko-kɔrɔ-lɔn bira i bolo filɛ la. I kana sɔn, anu ni anu purukulu i bolo mumɛ!

Hɛnkilimaya-Kumɛnu 4:13

I wara minnu karan kɔrɔma la, i ni to i mirila wonu ma. I niyi-kole le ila karan la.

Hɛnkilimaya-Kumɛnu 8:14

Kɔnɔ miriya-nyimɛ anubɛ hɛnkilimayɛ ye nde bolo, ado n sɛnbɛ kolo de!

Romu 2:20

Wole miri fanan ko sɔn-yogoma-tiginu anubɛ ko-lɔnbɛlɛnu karan-mɔgɛ le wole la. Allata tɔn-kitabu ye wo bolo min kɛ, wo miri ko lɔnnɛ anubɛ tonya-bɛrɛ ye wole le bolo.

Romu 6:17

Fɔlɔ-nun, wo ye yɔɔnyɛ rɔ hakɛ kɔrɔ kɔnɔ kaka, ma si Alla tanto! Wo ara karan min sɔrɔn Alla wara-koe rɔ, wo ye wo birala wo yisi bɛɛ la.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 4:9

Wo ara koe minnu karan nde bolo, wo ni wonu kɛ. Ni a mara kumɛ la wo ya min namɔɛn n bolo wo, ni ko do le wo ya n yen min mala wo, alako dɔrɔn, wo ni wonu kɛ tun! Alla min bi yisi-kimɛ dila ma ma, wo si to wo fɛ.

Kɔlɔsi 1:4

Ma ye wo mala bawo wo lara Yisa Kirasiti la nya min anubɛ Allala mɔgɛnu keninɛ wo bolo nya min, ma ara wo lamɔɛn,

1 Tɛsalonaika 5:21

Wo ni koe bɛɛ fɛsɛfɛsɛ. Min kin, wo ni wo mara gben!

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

1 Timoti 6:3

Ni mɔgɔ-wo-mɔgɔ ya karan-gbɛrɛ do kɛ, ado a ma sɔn Mari Yisa, Allata-Mɔgɔ-Yabɔnɛta kumɛnu ma, hali maleta dina-karan wara-koe rɔ,

2 Timoti 1:1

Nde, Pɔli le ye kɛdi kɛ sɛbɛla. Alla ya n ma Yisa Kirasitila kilayɛ la bawo wo le di ale Alla ye. A ya nimayɛ di n ma iko a ya lanyiri kiri nya min. N ya wo sɔrɔn ka a lake mɔgɛnu ma bawo Yisa Kirasiti lamaranɛ n yisi rɔ.

2 Timoti 1:14

Tonyɛ min kerifanɛ i la, i ni wo lamara Allala Ni-Sɛnimɛ-sɛnbɛ baraka rɔ min siginɛ i yisi rɔ.

2 Timoti 2:2

I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan.

2 Timoti 3:14

Kɔnɔ ile karanta tonyɛ minnu na, i dɛnkɛninyanɛ minnu ma, kɔni, i ni to wonu tɔ, ado i ya i karan-mɔgɛnu lɔn.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Taita 1:9

A ni kiri lanaya-kumɛ wonu ma minnu bɛnnɛ karan-kɛndɛ ma. A si ke worɔ ka donu makawandi tonya-karan kɛ fɛ anubɛ minnu bi tonya-karan kɛ masɔsɔla, a ni wonu natelen.

Taita 2:1

Alla ye nyinina, hadama-dannu ni ko ladan nya min, i si to mɔgɛnu karanna koe wonu na.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Yude 1:3

N diyana-mɔgɛnu, a sɔgɛ ye n na bɛrɛkɛ ka kɛdi sɛbɛ wo ma nun ka a tɛgɛ kisi-koe ma kɔnɔ n ko a bɛnnɛ n ni kɛdi-gbɛrɛkɛ sɛbɛ wo ma kaka. N bi wo makawandila ko Alla ara ban dɛnkɛninyɛ min dila ala mɔgɛnu ma, wo ni kɛlɛ kɛ wola ko la,

Lankɛnimayɛ 2:25

Kɔnɔ karan min bi wo bolo, wo ni wo bira gben, ha n ni na.

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.