2 Timoti 1:12 - ALLALA KUMƐ

¹² Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 1:12 ပူးပေါင်းရင်းမြစ်များ

Yaburi 25:2

Nde lanɛ ile, nta Alla le la. I kana sɔn, n yogenu ni n nɔ. N kana miliya anu ye.

Yaburi 31:5

Mari, n bara n nyɛrɛ dantɛgɛ i ma. I si n nakisi bawo Alla, kan-kelen-tigi le ile la.

Yaburi 56:9

N ya a lɔn serr, ni n ya i rakele i si a ma, n yogenu ni anu masɛgi n na fass! N hɛnkili latɛgɛnɛ ko ile Alla ye n fɛ.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 50:7

N mamɔɛn-bɔrɔ ma taran n ye bawo ma Tigi Mari ye n dɛnbɛna. N bara a latɛgɛ n yisi rɔ ko wo ti n miliya tun.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Matiyu 12:21

Nba, mɔgɛ bɛɛ si anu yigi sa ale kuma.”

Matiyu 24:36

“Mɔgɔ-wo-mɔgɔ ma wo tele lɔn, ni wo ma, a wati, hali melika minnu bi Arinyɛni tɔ. Nde Allata Dan, nde fanan ma wo lɔn fɔ n Fa kelen pe, wo le ya a lɔn.

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Luka 10:12

N ni tonya fɔ wo ye, kiti-tɛgɛ-tele rɔ, Alla si kinikini Sɔdɔm so-burɔ-mɔgɛnu ma ka tenbi soe wo la!

Luka 23:46

Yisa ya a kan labɔ bɛrɛkɛ! A ko, “N Fa! N bara n niyi latenbi i ma!” A ban kɛ fɔla, a ya a niyi-laban lafɛ.

Yɔni 17:15

N sa i madiyala ko i ni anu bɔ duninya kɛ rɔ kɔnɔ n bi i madiyala ko i ni anu tanka Setanɛ ma.

Yɔni 6:44

Mɔgɔ-wo-mɔgɔ ti na n bara fɔ n Fa min ya n sɔ, ale le si wo lana n ma. Nba, tele-laban-lun, n si wo lawuli ka niyi di a ma.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 7:59

Anu bi Sitifen mabonna tumɛ min, a ya a kan labɔ Mari ma. A ko, “N Mari Yisa, n niyi bi!”

Kɛwɔlɛnu 9:16

ado a ye nala tɔrɔyɛ min bɛɛ sɔrɔnna ndela ko la, nde nyɛrɛ si na wo yira a la.”

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

1 Tɛsalonaika 5:4

Kɔnɔ ma na-kelen-nyɔgɛnu, wo sa pinpi rɔ min kɛ, wo tumɛ ti wole latɛrɛna iko kankan.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 1:14

Tonyɛ min kerifanɛ i la, i ni wo lamara Allala Ni-Sɛnimɛ-sɛnbɛ baraka rɔ min siginɛ i yisi rɔ.

2 Timoti 1:16

Alamɛ Mari kinikinita Onɛsiforala denbayɛ ma bawo a ya n sɛnbɛ don tuma siyaman. A ma miliya ko n bi yele la min kɛ.

2 Timoti 1:18

Alamɛ Mari ya a dɛnbɛ ko a ni kinikinɛ sɔrɔn Mari bolo kiti-tɛgɛ-lunyɛ! A ya n dɛnbɛ nya min Ɛfɛsa soe burɔ, i ya wo lɔn serr!

2 Timoti 1:8

Nba, n bi yele la ka a tɛgɛ nta lanayɛ le ma Marila ko la. Wo kana a ma, i ni miliya sereya bɔ tinɛ Mari ye. I kana miliya nde fananna ko la. I ni kofu n ma kibara-nyimɛla nyagbɛ kɛ rɔ iko i ye Allata sɛnbɛ sɔrɔnna nya min.

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Taita 3:8

Tonyɛ le kɛ la. N bi a fɛ, i ni karan wonu bira bɛrɛkɛ, woletɔ minnu dɛnkɛninyanɛ Alla ma, wonu si to ko-nyimɛ kɛla wati bɛɛ. Wo kin, ado a bɛnnɛ mɔgɛ bɛɛ ma.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 2:18

Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

1 Pita 4:16

Kɔnɔ ni anu bara wo tɔrɔ bawo dɛnkɛninya-mɔgɔ le wole la, wo kana miliya wola ko la. Wo ni baraka bira Alla ye ko Kirasiti tɔgɛ sanɛ wole kuma.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.