2 Timoti 1:1 - ALLALA KUMƐ

¹ Nde, Pɔli le ye kɛdi kɛ sɛbɛla. Alla ya n ma Yisa Kirasitila kilayɛ la bawo wo le di ale Alla ye. A ya nimayɛ di n ma iko a ya lanyiri kiri nya min. N ya wo sɔrɔn ka a lake mɔgɛnu ma bawo Yisa Kirasiti lamaranɛ n yisi rɔ.

2 Timoti 1:1 ပူးပေါင်းရင်းမြစ်များ

Yɔni 10:28

N si habadan-nimayɛ di anu ma. Anu ti halaki mumɛ! Mɔgɔ-wo-mɔgɔ ti ke anu fɔrɔnna n bolo.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Yɔni 6:40

N fa diyana-koe le ko min bɛɛ wa nde, ala dan mafɛlɛn ka dɛnkɛninya n ma, wo si habadan-nimayɛ sɔrɔn. Nba, tele-laban-lun, n si anu nawuli ka niyi-kurɛ di anu ma.”

Yɔni 6:54

Min ba n bagbuyi dɔn ka n yele min, habadan-nimayɛ ye wo tigi bolo. Tele-laban-lun, n si a lawuli ka niyi-kurɛ di a ma,

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 5:21

Nba, iko hakɛ ya mansayɛ kɛ mɔgɛnu kuma nya min ka sayɛ lana anu ma kɔnɔ Allata hinɛ fanan ye mansayɛ kɛla mɔgɛnu kuma ka mɔgɛnu natelen a nyɛrɛ ye wo nya na le ka ma ladon habadan-nimayɛ rɔ ma Mari Yisa, Allata-Mɔgɔ-Yabɔnɛ baraka rɔ.

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

1 Kɔrɛnti 1:1

Alla ya nde, Pɔli kele ka ma Kirasiti Yisala kilayɛ la. Mabɛ n na-kelen-nyɔgɛ Sasitɛni,

2 Kɔrɛnti 1:1

Nde, Pɔli le ye kɛdi kɛ sɛbɛla wo ma. N mara Kirasiti Yisala kilayɛ la bawo wo diyara Alla ye. Mabɛ ma na-kelen-nyɔgɛ Timoti le ya kɛdi kɛ sɛbɛ. Ma ya kɛdi kɛ lata Allala chɔchi-mɔgɛnu ma minnu nadɛnnɛ Kɔrɛnti soe burɔ anubɛ Allala mɔgɛ min bɛɛ ye Akeya nyamanɛ rɔ.

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Kalesiya 3:26

Wo dama ara ma Allala dan la ka a tɛgɛ wola dɛnkɛninyɛ Yisa Kirasiti ma.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

1 Timoti 6:19

Anu si nɔnfuli ladɛn anu nyɛrɛ ye worɔ. Wo si ma sinan-sigi-kunya la anu ye yarɔ, ado anu si ke ka nimaya-bɛrɛ bira wo la.

2 Timoti 1:10

Kɔnɔ kaka, ma kisilɛ Yisa Kirasiti nara min kɛ, a ara a yira ma la gbɛ rɔ ko Kirasiti ara nɔ-ko sɔrɔn sayɛ ma. A ara habadan-nimayɛ yira ma la kibara-nyimɛ baraka rɔ.

2 Timoti 1:13

N ya i karan kuma-kɛndɛ minnu na, wonu bira gben! Wonu ni ma misalɛ la ile ye ko i ni wo nyɔgɔn kɛ. Dɛnkɛninyɛ anubɛ keninteyɛ minnu bi ma bolo Yisa Kirasiti baraka rɔ, i ni to wonu tɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

2 Timoti 2:3

I ni i munyu nyagbɛ kɔrɔ iko Yisa Kirasitita kɛlɛ-den-nyimɛ.

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Taita 1:4

N bi kɛ sɛbɛla ile Taita ma. I manɛ iko n nyɛrɛta dan bawo ma mɔgɔ filɛ dɛnkɛninyanɛ Yisa ma. Alamɛ ma Fa Alla anubɛ ma kisilɛ Yisa Kirasiti ya hinɛ yira i la ka yisi-kimɛ di i ma.

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

1 Yɔni 2:25

Kirasiti nyɛrɛ ya lanyiri min kiri ma ye, wo le kɛ la. A ko a si habadan-nimayɛ di ma ma.