2 Tɛsalonaika 3:8 - ALLALA KUMƐ

⁸ Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

2 Tɛsalonaika 3:8 ပူးပေါင်းရင်းမြစ်များ

2 Mansɛnu 6:2

Ma ta Yorodan bɛ dafɛ ka bon-kɔn donu tɛgɛ. Ma ni bɔn do sɔ nyɔ rɔ.” Nɛbi Ilaisa sɔnta wo ma.

Nihɛmaya 5:18

Tele-wo-tele, n si tura kelen, saga-hakika wɔrɔ ani sisi-siyaman faga mɔgɛnu ye. Tele-tan wo tele-tan, n si na minni-fen-kurɛ la anu ye. A bɛnta, kun-tigi ni min nyɔgɔn sɔrɔn, n ma wo makele mɔgɛnu na bawo dunɛ kolo anu kuma.

Hɛnkilimaya-Kumɛnu 31:27

A si ala bɔn fɛ-bira a kilɛ fɛ. A ti sɔn tinya-mansaya-ko ladanna.

Matiyu 6:11

I ni bita dɔn-fan di ma ma.

Kɛwɔlɛnu 18:3

A mɛra nyɔ wɔlila anu fɛ bawo a ye a beli-fan sɔrɔnna fani-bɔn-nadan-wɔlɛ wo le tɔ iko wonu fanan bi a mala nya min.

Kɛwɔlɛnu 20:34

Wo nyɛrɛ ya a lɔn ko n bole kɛnu bara wɔlɛ kɛ n ye. N ya n nyɛrɛ makoe bɛɛ nyinya anubɛ n fɛ-mɔgɛnutɛ.

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

1 Kɔrɛnti 9:4

A bɛnta mɔgɛnu ni mabɛ Banabasi fanda bawo Marita wɔli-kɛlɛ le male la.

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Tɛsalonaika 4:11

Wo ni wo raya alako yisi-kimɛ ni to wo tɛma. Wo ni wo nyɛrɛta wɔlɛ kɛ ka wo nyɛrɛ beli-fan sɔrɔn iko ma ya a fɔ wo ye nya min nun.

2 Tɛsalonaika 3:12

Ma ye a fɔla wonu ye Mari Yisa tɔgɛ rɔ ko anu ni kɛ-nya-telennɛ kɛ. Anu ni anuta wɔlɛ kɛ alako anu ni anu nyɛrɛ beli-fan sɔrɔn nya min.