2 Tɛsalonaika 3:4 - ALLALA KUMƐ

⁴ Ma lanɛ wole bɛrɛn na Mari rɔ. Ma ya a lɔn ko ma ya min fɔ wo ye, wo ye wo kɛla, ado wo si to wo kɛla dɛɛ!

2 Tɛsalonaika 3:4 ပူးပေါင်းရင်းမြစ်များ

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Romu 15:14

N na-kelen-nyɔgɛnu, nde lanɛ a la ko wo fanɛ ko-nyimɛ la, ado wo fanɛ lɔnnɛ bɛɛ la fanan. Tonyɛ le, wo si ke wo nyɔgɔn makawandila.

Romu 15:18

N sa kuma-gbɛrɛkɛ fɔla fɔ Kirasiti ya min ke nde warala dɔrɔn. Sibolo-gbɛrɛnu bara Allala kumɛ bira ka a tɛgɛ nde, Pɔlila kawandilɛ anubɛ n kɛ-nya ma.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

1 Kɔrɛnti 14:37

Ni mɔgɔ-wo-mɔgɔ ye a mirila ko Allala kilayɛ le ale la, ado ni min ko Allata Ni-Sɛnimɛta fandɛ ye a bolo, ale nyɛrɛ ni a lɔn ko n bi min sɛbɛla wo ma, Marita tɔn le wo la.

1 Kɔrɛnti 7:19

N bi wo fɔla bawo kemininyɛ wo, kemininyabɛliyɛ wo, dan-nafara wo dan-nafara sa wo la Alla yala bawo Allata tɔn-birɛ, wo le kolo.

2 Kɔrɛnti 2:3

Wo le ya a to, n ya kɛdi doi wo sɛbɛ wo ma bawo n sa a fɛ ka na wo wara ka diminya wole ma minnu bɛnta ka n nasewa. N lanɛ a la ko n ba sewa tumɛ min, wole fanan sewanɛ worɔ.

2 Kɔrɛnti 2:9

N ya kɛdi wo sɛbɛ wo ma ka a lɔn ni wo rabɛnnɛ ka nta kumɛ bira tuma-wo-tuma. N bi a fɛ ka wo kɔrɔbɔ nun, ni wo si koe wo bira sɛbɛ la nya min.

2 Kɔrɛnti 8:22

Woletɔ ma ye ma na-kelen-nyɔgɛ latala anu fɛ. Ma ara a lakɔrɔsi wati siyaman, ado ma ara a yen ko dɛnbɛni-sɔgɛ ye a la tuma-wo-tuma. Nba, a rayanɛ gbɛ ka wo dɛnbɛ nya bɛɛ ma bawo a yigi sanɛ wo kuma bɛrɛkɛ!

Kalesiya 5:10

Kɔnɔ Maritɛ le wole la. N lanɛ wole la feu! Wo ti bila mɔgɔ-gbɛrɛta karan fɛ tun fɔ nde ara wo karan min na, ado min bi wo tɔrɔla, a mara mɔgɔ-wo-mɔgɔ la, Alla si wo tigi tɔrɔ.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

1 Tɛsalonaika 4:10

Ado nfan, wo ye wo kɛla wo na-kelen-nyɔgɛ bɛɛ ye Masidoniya nyamanɛ kan bɛɛ rɔ, yɔ! Woletɔ ma na-kelen-nyɔgɛnu, ma ye wo madiyala ko wo ni diyanayɛ kuma-sa dɛɛ!

2 Tɛsalonaika 3:12

Ma ye a fɔla wonu ye Mari Yisa tɔgɛ rɔ ko anu ni kɛ-nya-telennɛ kɛ. Anu ni anuta wɔlɛ kɛ alako anu ni anu nyɛrɛ beli-fan sɔrɔn nya min.

2 Tɛsalonaika 3:6

Ma na-kelen-nyɔgɛnu, ma ye a fɔla wo ye ma Mari Yisa tɔgɛ rɔ ko minnu bara anu ban wɔli-kɛ-koe ma, wo ni fara wonu na feu! Wonu sa mala kumɛ birala, ado male ma anu nabila wo la.

Failiman 1:21

N lanɛ a la ko n bara i madiya min na, i si wo kɛ n ye. Woletɔ n bi kɛdi kɛ sɛbɛla i ma. N ya a lɔn ko i si a kɛ hali min tenbira n kuman-kan kɛ la.