2 Tɛsalonaika 3:16 - ALLALA KUMƐ

¹⁶ Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Tɛsalonaika 3:16 ပူးပေါင်းရင်းမြစ်များ

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 72:3

Alamɛ ala nyamanɛ sabatira. Alamɛ ala mɔgɛnu mara mɔgɔ-latelennɛnu na.

Yaburi 72:7

Alamɛ telenbagayɛ tora koloyala a siyi-tele-bɛɛ kɔrɔ. Fananta karɛ ye gbɛla, alamɛ ala mɔgɛnu tora ko-nyimɛ sɔrɔnna.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Aiseya 66:12

Mari ko a si to yisi-kimɛ dila wo ma iko bɛ ye yigila nya min beyabeya! Duninya-nɔnfulinu si anu kun sa wo ma iko bɛ. Wo si to wo susunna iko den-pulan. Wo si to sigini Mari kɔnkɔn tɔ. Mari si to den-pulan wo radɔnna a tontɛ kuma.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Sakaraya 6:13

A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

Yilan-Yilan Koe 6:26

Alamɛ Mari ya ko-nyimɛ kɛ wo ye ka yisi-kimɛ di wo ma.’ ”

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 15:33

Alla min bi yisi-kimɛ dila ma ma, alamɛ wo tora wo dama fɛ. Amina!

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Ɛfɛsa 6:23

N na-kelen-nyɔgɛnu, alamɛ ma Fa Alla anubɛ ma Mari Yisa, Allata-Mɔgɔ-Yabɔnɛ ya yisi-kimɛ di wo ma anubɛ keninteyɛ anubɛ dɛnkɛninyɛ.

1 Tɛsalonaika 3:11

Alamɛ ma Fa Alla anubɛ ma Mari Yisa ya kilɛ rabɛn ma ye ka na ke wo ma!

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Tɛsalonaika 3:18

Ma Mari Yisa, Allata-Mɔgɔ-Yabɔnɛta hinɛ ni to wo dama fɛ.

2 Timoti 4:22

Mari ni i niyi kandan. Allala hinɛ ni to wo dama fɛ.

Failiman 1:25

Alamɛ Mari Yisa, Allata-Mɔgɔ-Yabɔnɛla hinɛ tora wo dama fɛ.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Hiburunu 7:2

Iburayima ya nɔnfuli min bɛɛ sɔrɔn kɛlɛ rɔ, a ya wo bɛɛ yaka bɔ ka a di ale so-tigi ma. (Mɛlikisidaki tɔgɔ-kɔrɛ le, “Mansa Latelennɛ.” Ado nfan, Selam soe tɔgɔ-kɔrɛ le, “Yisi Kimɛ,” woletɔ ale so-tigi le “Yisi Kima Mansɛ” la.)

Kɛlɛ-Kurugbɛnu 6:24

Kidiyɔn ya saraka-bɔ-tinɛ sɔ Mari ye. A ya a tɔgɔ sa “Yisi-kimɛ le Mari la.” (Ha bi, saraka-mintan-tinɛ wo ye Abiyɛsa bɔnsɔnnu bolo Ɔfara soe burɔ.)

Ruti 2:4

A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”

1 Samuwɛli 17:37

Mari ara n matanka yarɛ anubɛ sogo-ferema-masibɛ ma, ado fɔ a wa n tanka Filisiti-kei kɛ masibɛ ma fanan.” Mansa Sɔli ko, “Tana ma wo la. Ta. Alamɛ Mari tora i fɛ.”

1 Samuwɛli 20:13

Kɔnɔ ni ila ko-diya sa a rɔ, ado ko-yogoma ma-sɔgɛ ye a la i wara la, ni n ti i lalɔn alako i ni i buri, alamɛ Mari ya n faga worɔ. Alamɛ Mari tora i fɛ iko a taranta n fa fɛ nya min nun.