2 Tɛsalonaika 3:1 - ALLALA KUMƐ

¹ Ala ban, ma na-kelen-nyɔgɛnu, wo ni Alla matara ma ye. Marita kumɛ ni to nyɛnsɛnna tiriya! Wo si a ma, mɔgɛnu ni ata kumɛ gbiliya iko a mara wo tɛma nya min.

2 Tɛsalonaika 3:1 ပူးပေါင်းရင်းမြစ်များ

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Matiyu 9:38

Wo ni sɛni-tigi madiya alako a ni wɔli-kɛlɛnu nata ala fui-fan tɛgɛ tinɛ.”

Luka 10:2

A ya a fɔ wonu ye ko, “Fui-fan-tɛgɛtɛ kolo kɔnɔ a tɛgɛla ma siya. Wo ni sɛni-tigi madiya alako a ni wɔli-kɛlɛnu nata ala fui-fen tɛgɛ tinɛ.

Kɛwɔlɛnu 12:24

Wo bɛɛ rɔ, Allala kumɛ tora nyɛnsɛnna ka wara.

Kɛwɔlɛnu 19:20

Marita kumɛ tora nyɛnsɛnna ka koloya sɛnbɛ-ba la wo nya.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.

Romu 15:30

N na-kelen-nyɔgɛnu, ka a tɛgɛ mala dɛnkɛninyɛ ma ma Mari Yisa, Allata-Mɔgɔ-Yabɔnɛ ma anubɛ ata Ni-Sɛnimɛ ye keninteyɛ min dila ma ma, n bi wo madiyala ko wo ni wo raya n fɛ Alla madiya tinɛ nde ye.

1 Kɔrɛnti 16:9

bawo fɛrɛ ye n bolo yan serr, ka wɔli-nyimɛ kɛ, ado mɔgɔ siyaman nawulinɛ n kan ma.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Kɔlɔsi 4:3

Wo ni Alla matara male fanan ye alako Alla ni fɛrɛ-nyimɛ di ma ma ka Kirasitila gbundu-koe lake nya min, ado ka a tɛgɛ wo le ma, n bi yele la kaka.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

1 Tɛsalonaika 1:8

ado Marita kumɛ ma dan wo bolo Masidoniya anubɛ Akeya sigisɔn dɔrɔn tɔ. Wo dɛnkɛninyanɛ Alla ma nya min, bɛɛ ya wo lɔn. Hali ma ma wo fɔ tun.

1 Tɛsalonaika 2:1

Ma na-kelen-nyɔgɛnu, wole nyɛrɛ ya a lɔn ko ma ara wati min nyɔgɔn kɛ wo fɛ, wo ma kɛ fu!

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 5:17

Wo kana kuri Alla matara tinɛ.

1 Tɛsalonaika 5:25

Ma na-kelen-nyɔgɛnu, wo ni Alla matara male fanan ye.