2 Tɛsalonaika 2:2 - ALLALA KUMƐ

² ni mɔgɔ do ya a fɔ ko Mari na-tumɛ ara tenbi, wo kɔndɔ kana fili kumɛ wo la. Wo kana kilan. Donu si a fɔ ko kumɛ wo bɔra anu ye wɔlɔyiya-kumɛ le tɔ, ni wo ma, kawandili do rɔ. Donu si a fɔ fanan ko male ara wo sɛbɛ kɛdi rɔ.

2 Tɛsalonaika 2:2 ပူးပေါင်းရင်းမြစ်များ

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Maika 2:11

“Mari ko wole kensuntenu bi nyinina foninya-nɛbinu ma minnu si wo mayuwaya. Wonu si belenna a fɔla wo ye ko, ‘Baan-feremɛnu bi wola ko la duk!’

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Maraka 13:7

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ ala ban ma wo la fɔlɔn.

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Luka 21:9

Wo wa kɛlɛ-koenu anubɛ murutiya-koenu namɔɛn tumɛ min, wo kana kilan. A fɛrɛ sa fɔ wonu ni ma kɔnɔ ala ban ma wonu na fɔlɔn.”

Yɔni 14:1

Yisa ya a fɔ ala karan-dannu ye ko, “Wo yisi kana tinya. Wo ni dɛnkɛninya Alla ma ka dɛnkɛninya nde fanan ma.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

1 Kɔrɛnti 1:8

A si wo mara alako fɛɛ kana taran wola dɛnkɛninyɛ la, ha ma Mari Yisa, Allata-Mɔgɔ-Yabɔnɛ wa na tumɛ min.

1 Kɔrɛnti 14:32

Allala-kuma-fɔɛ dinɛ minnu ma, wonu ni anu nyɛrɛ bira

1 Kɔrɛnti 7:26

N ba kaka-tɔrɔyɛ yen, n ya n miri ko a fisa, mɔgɛ ni to a gba-kɔrɛ rɔ.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

1 Tɛsalonaika 3:3

Ma ya wo ma alako wo fenfen kana sɛgi wo kɔma tun nyagbɛ kɛnuna ko la. Wole nyɛrɛ ya a lɔn ko fɔ ma ni nyagbɛ kɛnu tayen iko Alla sako ye nya min.

1 Tɛsalonaika 4:15

Ma ye Marita karan le fɔla wo ye kɛ la. Ale Mari wa na tumɛ min, minnu bara faga nun, male min bi ma kɛndɛ la ti ta wonu yarɔ.

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

2 Tɛsalonaika 2:15

Woletɔ ma na-kelen-nyɔgɛnu, wo ni wo sɔ yiri! Ma ya wo karan tonyɛ min na kawandilɛ anubɛ kɛdi rɔ, wo ni wo bira gben!

2 Tɛsalonaika 3:17

Nde, Pɔli le ya kɔndɔli kɛnu sɛbɛ n nyɛrɛ bole la. N si n tɔgɛ sa kɛdi bɛɛ ma ka le, ado wo ma n bolo gbɛ yen?

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.