2 Tɛsalonaika 2:13 - ALLALA KUMƐ

¹³ Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

2 Tɛsalonaika 2:13 ပူးပေါင်းရင်းမြစ်များ

Ko-Dabirɛnu 1:1

Alla ya duninya-dan dabira tumɛ min,

2 Samuwɛli 12:25

wo le ya a ma, a ya Nɛbi Netan lata dan wo tɔgɔ sa tinɛ ko a ni wo kele Mari Diyana-Mɔgɛ.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Daniyɛli 10:11

Melika wo ya a fɔ n ye ko, “Ile Daniyɛli, i di Alla ye. I lasɔ. I ni i tole masɔ n kuman-kan kɛ la n bi min fɔla i ye. Alla le ya n sɔ i wara.” Wo ban kɛ fɔla, n ya n nasɔ kɔnɔ ha bi, n bi yɛrɛyɛrɛnna.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Daniyɛli 9:23

Kebi i ya ila mataralɛ dabira wati min, Alla ya ila matarali-kan wo lamɔɛn. I di a ye woletɔ ko-rayirɛ min kera i ye, n bara na ka wo kɔrɛ yira i la.

Luka 1:75

Ma ni ma mɔgɔ-sɛnimɛ anubɛ mɔgɔ-telennɛnu na a ye ma siyi-tele-bɛɛ kɔrɔ.”

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Kɛwɔlɛnu 15:9

A ma dan-nafarɛ don mabɛ anu tɛma hali! Anu dɛnkɛninyara min kɛ, woletɔ a ya anu makoto anu hakɛ ma.

Romu 6:17

Fɔlɔ-nun, wo ye yɔɔnyɛ rɔ hakɛ kɔrɔ kɔnɔ kaka, ma si Alla tanto! Wo ara karan min sɔrɔn Alla wara-koe rɔ, wo ye wo birala wo yisi bɛɛ la.

Romu 8:33

Alla nyɛrɛ ara minnu yo sa, yon si a bolo-nɔlɔnɛ sɔ Allala mɔgɛ wo la?

Romu 9:11

Alla ya a fɔ Rebɛka ye ko, “Ala den-kei-sarɛ si wɔlɛ kɛ a dɔgɛ ye.” Alla ya wo fɔ ka a yira ko a ya dan min yatɔnbɔn, a ye nyinina wo le nyɛrɛ ma. Yanni anu ni sɔrɔn wati min, a ya kɛ fɔ, ado yanni anu ni hɛnkili sɔrɔn, a ya wo fɔ. Woletɔ Alla ya dan min yatɔnbɔn, a ma wo ma ka a tɛgɛ dan wola ko-ladan-nya ma. A ya wo ma bawo dan wo di a ye.

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Ɛfɛsa 2:8

Woletɔ ma kisinɛ Allata hinɛ le fɛ dɛnkɛninyɛ baraka rɔ, ado male tɔrɔ-gba ma wo la. Allata kɔ-fan le wo la.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 1:4

Ma na-kelen-nyɔgɛnu, ma ya a lɔn ko Alla ara wo keni, ado a ara wo yabɔ ka wo ma atɛ la.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

1 Tɛsalonaika 4:7

Alla ma ma kele sɛninyabɛliyɛ ma fɔ sɛninyɛ.

1 Tɛsalonaika 5:9

Alla ma a latɛgɛ ko ma ni ala diminyɛ sɔrɔn kiti-tɛgɛ-lunyɛ. A ye a fɛ, ma ni kisi-koe sɔrɔn ma Mari Yisa, Allata-Mɔgɔ-Yabɔnɛ baraka rɔ.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

2 Tɛsalonaika 2:10

Minnu bi nala halakila, a si yanfa-yogoma-su bɛɛ don wonu ma min si a ma, anu ni halaki. Wonu si halaki bawo anu ma tonyɛ bira, ado ni anu ya tonyɛ keni nun, anu si kisi worɔ.

2 Tɛsalonaika 2:12

Anu bɛɛ si tɔrɔyɛ sɔrɔn bawo ko-yogomɛ di anu ye tonya-birɛ ko.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

2 Timoti 3:15

Kebi i dennɛ, i wara Allala kitabu-sɛnimɛnu lɔn. Wonu denu si ke hɛnkili dila i ma alako i si dɛnkɛninya Yisa Kirasiti ma nya min ka kisi.

Hiburunu 1:10

Alla ya a fɔ ala dan ye fanan ko, “Ile Mari ya dugu-kole dan fɔlɔfɔlɔ. I ya san-kole dan i nyɛrɛ kɔɛn le la.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

1 Yɔni 4:19

Ma si ma nyɔgɔn keni bawo Alla fɔlɔn ya male keni.