2 Tɛsalonaika 1:5 - ALLALA KUMƐ

⁵ Nyagbɛ wo ye a yirala ko Allala kiti telenta. Nyagbɛ wo le ye a mala, wo ni wo rabɛn ata mansayɛla ko la. Tonyɛ le, wo ye tɔrɔla mansayɛ wola ko la,

2 Tɛsalonaika 1:5 ပူးပေါင်းရင်းမြစ်များ

Yobu 8:3

Koe min telennɛ, Alla ti wo radu mumɛ! Koe min bɛnnɛ, fɔ Alla Sɛnbɛ-Bɛɛ-Tigi wa wo ma le serr!

Yaburi 111:7

A ara koe min bɛɛ kɛ tɛrr, fenfen sa wonu tɔ fɔ telenbagayɛ anubɛ lanayɛ. A ya tɔn-wo-tɔn di ma ma, wo telenni de ma ye.

Yaburi 33:5

Koe minnu telennɛ, wo di Mari ye bɛrɛbɛrɛ-wɛ kɛ. Ala keninteya-dannatɛgɛbɛlɛ si duninya kɛ lafa le pen!

Yaburi 50:6

San-kole si a yira ma la ko kiti-tɛgɛla-latelennɛ le Alla la.

Yaburi 72:2

Ni i ya wo ma, a ti lafisayalɛ kɛ ila mɔgɛnu kun na. A si bolo-kolɔnnu bira telenbagayɛ rɔ.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Yɛrɛmaya 9:24

Ni nyɛrɛ-matɔgɔ-sɔgɛ ye min na, wo tigi ni a fɔ ko ale le ya ale Mari lɔn a kila-bɛrɛbɛrɛ fɛ. A ni a diya-a-la ko ale Mari le ata Mari la. A ni a diya-a-la ko Marita keninteyɛ kolo, ado a telenta. A ni a diya-a-la ko Mari ye ko-telennɛ le mala dugu-kole kuma. Mari ko matɔgɔ-sufa wo le ye a diya donna ale rɔ. Mari kan le kɛ la.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Luka 20:35

kɔnɔ wati si na, lawuli-koe bɛnnɛ minnu ma, wonu ti furi kiri wulɔn.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Romu 8:17

Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Filipai 1:28

Wo kana kilan wo yogenu na mumɛ! Wo si a yira anu na ko anu si na halaki kɔnɔ wole si kisi bawo Alla le ye nɔlɛ dila wo ma!

Kɔlɔsi 1:12

ye baraka birala n Fa Alla ye sewɛ rɔ. A ara ko-rabɛn-kɛ ko wo ni wotɛ sɔrɔn min maranɛ ala mɔgɛnu ye, ado wo siginɛ ata mansaya-waan kɔrɔ.

1 Tɛsalonaika 2:14

Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

2 Tɛsalonaika 1:11

Wo le ya a to, ma ye Alla matarala wo ye tumɛ bɛɛ. Ma ye a tarala ko a ara wo kele nimaya-su min ma, wo kɛ-nya ni bɛn wo ma. Ko-nyimɛ min bɛɛ kɛ-sɔgɛ ye wo la, alamɛ ata sɛnbɛ ya wo dɛnbɛ wo rɔ ka wola kɛwɔlɛnu dafa.

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 16:7

Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 3:4

Kɔnɔ donu bi wo tɛma Sadisi chɔchi burɔ nyɔ minnu bara anuna kurɛnu mara sɛninyɛ rɔ. Kura-gbɛ-tigi wonu si tagama n fɛ bawo anu sɔn kin wo ma tinɛ.