2 Tɛsalonaika 1:4 - ALLALA KUMƐ

⁴ Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.

2 Tɛsalonaika 1:4 ပူးပေါင်းရင်းမြစ်များ

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.

1 Kɔrɛnti 7:17

Alla ya mɔgɔ kelen-kelennamɛ-bɛɛ kele tumɛ min, anu ni to iko Mari ara a latɛgɛ anu ye nya min. N bi mɔgɛnu karanna kɛ le la chɔchi bɛɛ la.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

2 Kɔrɛnti 7:14

N ya n nyɛrɛ kɔgɔ raka wolela ko la a ye, ado wo ma n namiliya. Iko ma nɔrɔta tonyɛ ma nya min, mata kɔgɔ-rakɛ fanan mara tonyɛ la wo nya le.

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

2 Kɔrɛnti 9:2

N ya a lɔn ko wo fanan si sɔn dɛnbɛni-koe wo ma. N bara n kɔgɔ raka wola ko la Masidoniya kɛnu ye. N ya a fɔ anu ye ko kebi serun, wole, ma na-kelen-nyɔgɛ minnu bi Akeya sigisɔn rɔ, wo ya wo rabɛn dɛnbɛni-koe wo rɔ. Ka a tɛgɛ wola dɛnbɛnɛ wo ma, wo ara mɔgɛ donu yisi lawuli dɛnbɛni-kɛ-tinɛ.

2 Kɔrɛnti 9:4

Ni Masidoniya kɛnu nara n fɛ, anu ni a taran ko wo rabɛnni ma, ma dama si miliya worɔ bawo ma lara wo damasi la. Wole bɛrɛn si miliya fanan!

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:14

Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

1 Tɛsalonaika 2:19

Wole Tɛsalonaika kɛnu, ma yigi anubɛ mala sewɛ le wole la. Mari Yisa wa na tumɛ min, ma si wasi wole rɔ iko mɔgɔ wa mansaya-fulɛ don ma kunyɛ la.

2 Tɛsalonaika 3:5

Alamɛ Mari ya Allala keninteyɛ yira wo la ka a ma, wo ni wo munyu iko Kirasiti nyɛrɛ.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 6:12

A ma di ma ye, wo ni ma tinya-mansɛ la. Kɔnɔ wo ni ma iko Alla ara lanyiri kiri minnu ye. Anu si anutɛ sɔrɔn dɛnkɛninyɛ anubɛ munyu fɛ.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.

2 Pita 1:6

Wo ni nyɛrɛ-marɛ fanan sa wola lɔnnɛ kuma. Wo ni munyɛ fanan sa wola nyɛrɛ-marɛ kuma. Wo ni Alla-yala-kilan fanan sa wola munyɛ kuma.

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.