2 Tɛsalonaika 1:10 - ALLALA KUMƐ

¹⁰ Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

2 Tɛsalonaika 1:10 ပူးပေါင်းရင်းမြစ်များ

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 43:21

Ata mɔgɔ-dannɛ le male Isirɛla mɔgɛnu na, ado ma ni to a matɔgɔ-siginu sala.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 49:3

Mari ya a fɔ n ye ko ata wɔli-kɛlɛ le Isirɛla la. A ko ka a tɛgɛ wo ma, mɔgɛnu si ale Mari matɔgɔ.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:28

Wo ni wo hɛnkili to kɛ ko! Donu bi yan, wonu ti faga ha anu ni nde, Hadama-dan, yen nala nta mansayɛ rɔ.”

Matiyu 24:36

“Mɔgɔ-wo-mɔgɔ ma wo tele lɔn, ni wo ma, a wati, hali melika minnu bi Arinyɛni tɔ. Nde Allata Dan, nde fanan ma wo lɔn fɔ n Fa kelen pe, wo le ya a lɔn.

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Luka 10:12

N ni tonya fɔ wo ye, kiti-tɛgɛ-tele rɔ, Alla si kinikini Sɔdɔm so-burɔ-mɔgɛnu ma ka tenbi soe wo la!

Yɔni 11:4

Yisa ya wo lamɔɛn tumɛ min, a ko, “Lasarasila kirayɛ ti a laban sayɛ ma. Kɛ mara alako Alla ni gbiliyɛ sɔrɔn. Alla si gbiliyɛ di ala dan ma kirayɛ kɛ fɛ.”

Yɔni 17:10

Min bɛɛsi ye ntɛ la, itɛ le wonu na. Min bɛɛsi ye itɛ la, nde fanantɛ le wonu na. Nna gbiliyɛ ma ara yira anu tɔ.

1 Kɔrɛnti 1:6

Alla ya a ma, Kirasitita kumɛ siginɛ wo yisi rɔ a nya bɛrɛbɛrɛ-wɛ ma.

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

Kalesiya 1:24

Woletɔ anu ya Alla tanto ndela ko la.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:14

Alla ara wo yili-madiya koe min na, wo dabirɛ le ale ata Ni-Sɛnimɛ la ma ye. Ma lanɛ a la feu, ko Allatɛ ye minnu na, a si hɔrɔya-kanbalinɛ di wonu fanan ma. Ma ni a tanto wona ata gbiliyɛla ko la!

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 2:7

Alla ya a latɛgɛ wo nya na le alako a ni ala hina-waranɛ labɔ gbɛ ma, ado a ya hinɛ wo yira ma la Yisa Kirasiti le tɔ.

Ɛfɛsa 3:10

A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

1 Tɛsalonaika 2:1

Ma na-kelen-nyɔgɛnu, wole nyɛrɛ ya a lɔn ko ma ara wati min nyɔgɔn kɛ wo fɛ, wo ma kɛ fu!

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

2 Tɛsalonaika 1:12

Ma Mari Yisa tɔgɛ si gbiliyɛ sɔrɔn wo bolo worɔ. Wole fanan si a sɔrɔn mata Alla anubɛ Mari Yisa, Allata-Mɔgɔ-Yabɔnɛta hinɛ baraka rɔ.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 1:18

Alamɛ Mari ya a dɛnbɛ ko a ni kinikinɛ sɔrɔn Mari bolo kiti-tɛgɛ-lunyɛ! A ya n dɛnbɛ nya min Ɛfɛsa soe burɔ, i ya wo lɔn serr!

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ