2 Samuwɛli 7:13 - ALLALA KUMƐ

¹³ Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

2 Samuwɛli 7:13 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Samuwɛli 22:51

Ale Alla le ye a mala, nde ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!”

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

2 Samuwɛli 7:27

“Isirɛla mɔgɛnuta Mari Alla Sɛnbɛ-Bɛɛ-Tigi, ni i ya a yen nde, ila wɔli-kɛlɛ ye i madiyala kɛ nya na kaka, n yili latɛgɛni de bawo ile le wara a sa gbɛ ma n ye ko mansayɛ ti bɔ nna bɔn la.

1 Mansɛnu 2:24

A ye mabɛ ale Mari Alla-nimɛ tɛma min ya n sigi n fa Mansa Dawuda gbɛ rɔ, ale Alla min ya ala lanyiri wo kanbali ka mansayɛ di mabɛ n bɔnsɔn ma. Woletɔ n bara n keli Mari-nimɛ rɔ, Adonaya si faga bi, yɔ!”

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 2:45

Kɔnɔ Alla si duwa nde, Silamɛni ye. Mari si to n fa Dawudala mansaya-bɔn lasabatila burubukai!”

1 Mansɛnu 5:5

Mari ya a fɔ n fa Dawuda ye ko ala dan min si ma mansɛ la a gbɛ rɔ, wo si bɔn sɔ ale Mari ye. N bara bɔn wo sɔ-koe latɛgɛ n yisi rɔ nta Mari Alla ye kaka.

1 Mansɛnu 6:12

“Ni wo ya nta tɔnnu anubɛ nta kumɛ bɛɛsi bira, n si lanyiri wo kanbali ile ye iko n ya a kiri i fa Dawuda ye nya min,

1 Mansɛnu 8:13

Kɔnɔ n bara bon-nyimɛ sɔ i ye, i si to kan min habadan!”

1 Mansɛnu 8:15

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Dawuda ye, a ara wo latɔnbagaya. A ya a fɔ n fa ye nun ko,

1 Mansɛnu 8:19

Kɔnɔ ale Mari ya a fɔ ko n fa kana bɔn wo sɔ fɔ a nyɛrɛta dan, wo le si ata Bato-Bɔn sɔ a ye.”

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Mansɛnu 8:19

kɔnɔ hali wo, Mari ma sɔn Yuda nyamanɛ halakila ala sɔn-yogomɛ wola ko la bawo a ara ban a latɛgɛla ko Mansa Dawuda kegeyɛ si to mansayɛ la Yuda nyamanɛ kun na burubukai!

1 Ko-Kɔrɔta-Karan 28:10

Wo le, ile ni a lɔn ko Alla le nyɛrɛ-nyɛrɛ ya ile yabɔ ko i ni ata Bato-Bon-sɛnimɛ sɔ a ye. Woletɔ kaka, i ni i sɛbɛ don ka i wakila wɔlɛ kɛ ma.”

2 Ko-Kɔrɔta-Karan 33:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko a kelen pe bato tinɛ le wo la.

2 Ko-Kɔrɔta-Karan 6:16

Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

Yobu 36:7

A ye mɔgɔ-latelennɛnu kumafunfanna. Alla wa mɔgɔ ma mansɛ la, ni mansɛ wo wasira ala mɔgɛnu kuma,

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 89:21

Ita sɛnbɛ ti bɔ a fɛ mumɛ! Ita sɛnbɛ le ye a ragbɛlɛyala.

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Yaburi 89:4

mansayɛ ti bɔ ala bɔn la. Mansayɛ si to ala bɔn la burubukai!

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 33:17

Ale Mari ko lanyiri le kɛ la ko Isirɛla mansayɛ ti bɔ Mansa Dawudala bɔn la mumɛ!

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Sakaraya 6:13

A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Hiburunu 3:3

Bon-sɔlɛta gbiliyɛ kolo bɔn nyɛrɛ ko, ado gbiliya-wɛ bɛnnɛ Yisa fanan ma wo nya na le ka tenbi Nɛbi Musa la.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,