2 Samuwɛli 23:1 - ALLALA KUMƐ

¹ Yɛsila den Mansa Dawuda, Alla ya a ma mɔgɔ-ba-magbilima-wɛ la. Ale Yakobata Alla ya ale Dawuda yabɔ ka a ma mansɛ la. Mansa Dawuda le si sigi-diyamɛnu sa Isirɛla mɔgɛnu ye. Mansa Dawudala wɔlɔyiya-kuma-laban le kɛ la.

2 Samuwɛli 23:1 ပူးပေါင်းရင်းမြစ်များ

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

2 Samuwɛli 22:34

Ale le si a ma, n kian ra ni tɛgɛ dugi ma iko mina. Hali n bi kɔnkɛnu tɛma, a ya n sɔ-bole rabɛn.

2 Samuwɛli 22:51

Ale Alla le ye a mala, nde ata mansa-yabɔnɛ ni nɔ-ko sɔrɔn. A ye ata keninteyɛ yirala nde, Dawuda anubɛ n kegeyɛ la burubukai!”

1 Ko-Kɔrɔta-Karan 16:7

Wulɔn tele mara a fɔlɔtɛ la, Mansa Dawuda ya ata Mari-tanto-bɛti di ale Esafi anubɛ a na-kelen-nyɔgɛ ma. A ya tantoli-bɛti min di ale Esafi ma, wo le kɛ la.

1 Ko-Kɔrɔta-Karan 16:9

Wo ni baraka-bira-bɛtinu bɔ Mari ye. A ara kabana-koe min bɛɛsi ma wo ye, wo ni wonu takaran.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 72:20

Yɛsila den Mansa Dawudata madiyalɛnu kundon le kɛ la.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Yaburi 89:21

Ita sɛnbɛ ti bɔ a fɛ mumɛ! Ita sɛnbɛ le ye a ragbɛlɛyala.

Emɔsi 6:5

Sigi-kurɛnu-sɛ di wo ye seremanu tɔ. A sɔgɛ ye wo la ka wo nyɛrɛ sanka Mansa Dawuda ma.

Luka 20:42

Ado nfan, Yaburi kitabu rɔ, Dawuda nyɛrɛ ko, ‘Mari ya a fɔ nta Mari ye ko a ni a sigi a bolo-nyimama-kɔɛn wara la

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Yemesi 5:13

Mɔgɛ donu tɔrɔnɛ wo tɛma, wa? Anu ni Alla matara. Donu sewanɛ, wa? Anu ni tantoli-bɛti bɔ.

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.

1 Samuwɛli 18:7

“Sɔli ara mɔgɔ waga siyaman faga kɔnɔ Dawuda ara mɔgɔ waga tan siyamɛ faga.”

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”