2 Samuwɛli 22:45 - ALLALA KUMƐ

⁴⁵ Sibolo-gbɛrɛ minnu ba n tɔgɛ lamɔɛn, wonu si anu madu n kɔrɔ ka anu bole sa anu dɛ la kilan bolo.

2 Samuwɛli 22:45 ပူးပေါင်းရင်းမြစ်များ

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 81:15

Nde, Mari gbo minnu ye, wonu kun ma si kɔ n yarɔ kilan bolo, ado dan sa anuna tɔrɔyɛ la.

Aiseya 56:3

Sibolo-gbɛrɛ fenfen min bara a nyɛrɛ kofu wole Marita mɔgɛnu ma, wo tigi kana a fɔ ko mabɛ Marita mɔgɛnu, kelen de ma la. Kei-tɛgan fanan kana a fɔ ko bawo a ma den sɔrɔn, Allata sa ale wara-ko rɔ.

Aiseya 56:6

Sibolo-gbɛrɛ minnu bara kofu Marita mɔgɛnu ma, minnu bi a batola ka a gbiliya, ado anu bi Sulen-Tele gbiliyala a kilɛ fɛ, ka ata tɔnnu bira, Mari ye a fɔla mɔgɛ wonu ma ko

Kɛwɔlɛnu 8:13

Hali Saimon nyɛrɛ fanan dɛnkɛninyara ka batasi. A tora Filipi dafɛ bawo kabana-ko-wɛnu anubɛ tamasere minnu kɛra, a ya wonu yen tumɛ min, ale fanan kawara kati!

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”