2 Samuwɛli 20:23 - ALLALA KUMƐ

²³ Yohabu le ye Isirɛla kɛlɛ-dannu kun na. Yɛhoyadala den Bɛnaya, wo le Mansa Dawuda makandannɛnu kun na.

2 Samuwɛli 20:23 ပူးပေါင်းရင်းမြစ်များ

2 Samuwɛli 20:7

Yohabula kɛlɛ-dannu, anubɛ mansa-makandannɛnu, anubɛ kɛlɛ-dan minnu bilanɛ Abisayi fɛ, wonu bɔra Yerusalɛm soe burɔ ka ta Siba bira tinɛ.

2 Samuwɛli 23:20

Yɛhoyadala den Bɛnaya, Kabisili kɛ, kɔni, kɛlɛ-kɛla-wɛ do le ale fanan na. Ale fanan ya kerinteya ko-siyaman kɛ. Mohabu kɛnuna kɛlɛ-kɛla-nyana mɔgɔ fila ye nyɔ, ale ya wonu faga. Lun kelen kima-wati rɔ, ado dugi manamanɛ, a donta denkɛ la ka yara kelen faga nyɔ.

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Mansɛnu 1:7

A ya Sɛruya-Yohabu anubɛ Saraka-Masɔla Abiyatari kele alako wonu ni bila a fɛ ka a dɛnbɛ ala mansaya-koe rɔ.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Mansɛnu 4:1

Silamɛni mɛ mansɛ la Isirɛla mɔgɛnu kun na,

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.