2 Samuwɛli 19:8 - ALLALA KUMƐ

⁸ Ale mansɛ ya a lakɔɛnma. A tara a mayigi tarɛ-don-dɛ dafɛ. Ala kɛlɛ-dannu ya a lamɔɛn nkɛkuna ko a ye tarɛ-don-dɛ la, anu tara kinki a la. Wo wati ya a taran, Isirɛla mɔgɛ minnu wulinɛ Mansa Dawuda kan ma nun, wo bɛɛ ara ta a warɛ.

2 Samuwɛli 19:8 ပူးပေါင်းရင်းမြစ်များ

2 Samuwɛli 15:2

Sɔgɔma-wo-sɔgɔma subaga, anubɛ wonu si anu nasɔ. Anu si anu sɔ kiti fɔ tinɛ yarɔ-kilɛ la tarɛ kɔma. Mɔgɛ min tenbi nala ala kumɛ la mansɛ wara, Abasalɔm fɔlɔn si mɔgɛ wo manyinika kilɛ la nyɔ a bɔ tinɛla ko ma. Mɔgɔ-wo-mɔgɔ bɔra bɔnsɔn min tɔ, wo wa wo fɔ a ye tumɛ min,

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 18:24

Kɔnɔ wo ya a taran, Mansa Dawuda siginɛ so-tarɛ-don-dɛ fɔlɔtɛ anubɛ a fila nyɔgɔn tɛma. So-makandannɛ yɛlɛta tarɛ wo kuma ka a sɔ tarɛ wo don-dɛ kuma den! A ya a yɛ lata min kɛ, a ya kei do burimatoe yen nala, a kelan.

2 Samuwɛli 18:4

Mansɛ ya a fɔ anu ye ko, “Ni min telenta wole yala, wo si bɛn de nde fanan ma.” Mansa Dawuda ya a sɔ tarɛ dɛ tɔnkɔn rɔ, ha ala kɛlɛ-dannu banta tenbila iko a ya anu tafara nya min.

2 Samuwɛli 19:3

Anu dɔngbɔ-dɔngbɔ tara soe burɔ miliyɛ bolo iko kɛlɛ-kɔrɔ-maburilɛnu.

1 Mansɛnu 22:36

Tele ara wuli buila, Isirɛla kɛlɛ-dan bɛɛ ya a lasɔnkɔ ko, “Bɛɛ ni sɛgi a warɛ soe burɔ.”

2 Mansɛnu 14:12

Isirɛla kɛnu ya Yuda kɛnu nɔ. Mansa Hamasala kɛlɛ-dannu ya anu buri.

2 Mansɛnu 8:21

Mansa Yɛhoram ya ala kɛlɛ-dannu anubɛ ala kirindinu bi ka ta bɛ kɔgɔma Sairi soe burɔ Idɔm kɛnu kɛlɛ tinɛ. Anu ke nyɔ, Idɔm kɛlɛ-dannu ya kurɔn don anu ma. Suyi rɔ, ale Mansa Yɛhoram anubɛ ala kirindi laburi kun-tiginu ya anu taya ha anu ya fɛrɛ sɔrɔn ka tenbi anu yogenu tɛma. Ala kɛlɛ-den-toenu tanyɛnsɛnta. Bɛɛ tara a wara.

1 Samuwɛli 4:10

Filisitinu ya Isirɛla mɔgɛnu nɔ kɛlɛ-kɛ-tinɛ. Isirɛla mɔgɛnu burimatoe sɛgira anu barɛnu tɔ. Isirɛla kɛlɛ-dan minnu fagara wulɔn, mɔgɔ waga bi-sawa (30,000).