2 Samuwɛli 18:9 - ALLALA KUMƐ

⁹ Abasalɔm namatoe, a bɛnta Mansa Dawudala kɛlɛ-dan donu na. A siginɛ sofɛli-kinamɛ la. Sofɛlɛ wo bɔmatoe kɔlɔma-kuru-wɛ do kɔrɔ tumɛ min, Abasalɔm kun-sigi bilara kɔlɔma wo bolɔn do la. Sofɛlɛ wo tora tala ka Abasalɔm dunnɛ to kɔlɔma wo la.

2 Samuwɛli 18:9 ပူးပေါင်းရင်းမြစ်များ

2 Samuwɛli 13:29

Wɔli-kɛlɛ wonu ya Aminɔ faga iko Abasalɔm ya a fɔ anu ye nya min. Mansa Dawudala den-toenu sigira anuna sofɛli-kinamɛnu na ka anu buri.

2 Samuwɛli 14:26

A si a kunyɛ tɛgɛ min kɛ san la iko kelen, a kun-sigi si gbiri ha ka yanya a kuma. A kun-sigi madɛnnɛ wonubɛ yi kalon-talɛla gbiliyɛ rakɛn de!

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 18:10

Mansɛla kɛlɛ-dan do ya ale Abasalɔm dunnɛ yen kɔlɔma-kuri wo la. A tara wo fɔ Yohabu ye.

2 Samuwɛli 18:14

Yohabu ya a fɔ keminɛ wo ye ko, “N sa n tɔrɔla kumala ile fɛ tun.” A ya tanba sawa bi. A ya Abasalɔm kɛndɛ taran dunnɛ kɔlɔma wo la. A ya tanbɛ wonu nakɛ. Wonu tara gbangban Abasalɔm kɔgɔ rɔ.

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

Yobu 31:3

Kɔnɔ karagbɛlɛnu si kasarɛ sɔrɔn. Ko-yogoma-kɛlɛnu si tɔrɔ.

Hɛnkilimaya-Kumɛnu 20:20

Mɔgɛ min bi a na anubɛ a fa mɔɛnna, wo wara-koe ra si de dogbe iko lɛnpu si dufen pinpi rɔ nya min dɔi!

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Maraka 7:10

Bawo Nɛbi Musa ya a fɔ ko, ‘Wo ni wo fanu anubɛ wo nanu gbiliya.’ A ko fanan, ‘Ni mɔgɔ-wo-mɔgɔ ya kuma-yogomɛ fɔ a na anubɛ a fa ma, fɔ wo tigi ni faga serr!’

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 21:23

anu kana a furi-dunnɛ to nyɔ ha subagɛ ma. Fɔ anu ni wo togon wo tele nyɛrɛ rɔ, woletɔ Mari Allata dankɛ ti wola nyamanɛ bira. Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ.”

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 27:20

“ ‘Alamɛ Allata dankɛ taranta wo mɔgɛnu kuma minnu si anu sa anu fanuna musinu fɛ.’ “Anu si a labira ko, ‘Amina.’