2 Samuwɛli 17:28 - ALLALA KUMƐ

^28-29 Mansa Dawuda bɛnta mɔgɔ sawɛ minnu na kɛ la, fenfen sa anu bolo fɔ dɔn-fen-sa-mirannu, anubɛ bɔnku-dagɛnu, anubɛ burun-kurɛnu anubɛ dɔn-fannu. Anu ya wonu damasi di Dawuda anubɛ ala kɛlɛ-dannu ma. Anu nara minnu na, wo le kɛnu na, fui-fen-subolo fila wo, dɛgɛ-munke wo, buyi wo, sɔsɔ-mɛsɛ wo, liyi wo, fɛnɛ wo, nono-tagbalanɛ wo, anubɛ sagɛ donu. Anu ya wonubɛ miran wonu di Mansa Dawudanu ma bawo anu ya a lɔn ko anu kan la si gbala le. Kɔnkɛ fanan si anu bira le wulɛ rɔ, ado anu si bandan de fanan.

2 Samuwɛli 17:28 ပူးပေါင်းရင်းမြစ်များ

Ko-Dabirɛnu 25:34

Woletɔ Yakoba ya biredi anubɛ sɔsɔ-tenɛ wo di a kɔrɔ Isɔ ma. Isɔ ban wonu dɔnna, a tara a ye. Isɔ ya ala sɔ tinɛ bɔrɔbɔ wo nya na le.

Hɛnkilimaya-Kumɛnu 11:25

Hinante si to fan sɔrɔnna tuma-wo-tuma, ado mɔgɛ min si a ta-nyɔgɛ dɛnbɛ, wo fanan si a sɔrɔn duk!

Aiseya 32:8

Kɔnɔ gbiliya-mɔgɛ si ko-telennɛ ladan. A si a sɔ gben, ko-telennɛla ko la.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

1 Samuwɛli 25:18

Abigɛli ya wo lamɔɛn tumɛ min, tiriyante wo rɔ a ya dɔn-fen siyaman bi. A ya biredi-lɔngbɔn kɛmɛ fila bi anubɛ nɔnbɔ-gbɔ-yi gbolo-bɔrɔ fila. Wo kɔma, a ya saga-mintanni loli bi ka buyi pani-kunbɛ-nya tan-ni-wɔrɔnfila sa a kuma. Wo kɔma, a ya nɔnbɔ-gbɔ-gbalanɛ tɔnsɔn kɛmɛ anubɛ toro-gbɔ-gbalanɛ bolo-nya kɛmɛ fila bi ka wonu damasi kiri sofɛlɛnu kɔ tɛma.