2 Samuwɛli 17:14 - ALLALA KUMƐ

¹⁴ Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Samuwɛli 17:14 ပူးပေါင်းရင်းမြစ်များ

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 15:34

Kɔnɔ ile ye min mala n ye, i ni sɛgi Yerusalɛm soe burɔ. I ni a fɔ Abasalɔm ye ko, i si to a fɛ iko i tora a fa fɛ nya min. Ni Ahitafɛli ya makawandili-kuma-wo-kuma fɔ, i ni a masɔsɔ.

2 Samuwɛli 16:23

Ahitafɛli ya Abasalɔm makawandi ko-wo-ko la, a si wo bira iko Alla nyɛrɛta kumɛ. Mansa Dawuda anubɛ Abasalɔm mɔgɔ filɛ bɛɛ lara le ala makawandili-kumɛ la nun.

2 Ko-Kɔrɔta-Karan 10:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Nɛbi Ahaya Sailo kɛ baraka rɔ, wo ni bɔ-a-la.

2 Ko-Kɔrɔta-Karan 10:8

Kɔnɔ a ma sɔn mɔgɔ-ba wonuna kawandili-kan wonu birala. Fɔ a tara a kemini-mɛsɛ-nyɔgɛnu denu bara ka wonu manyinika. Wonu denu mara a makawandilɛnu na wo wati rɔ.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 25:20

Kɔnɔ Hamasa ma a tole sigi kumɛ wo kɔrɔ. Alla sɔnta ko anu ni Mansa Hamasa nɔ bawo a ya Idɔm kɛnuna bɛsɛnu kɔ.

Nihɛmaya 4:15

Ma yogenu ya a lɔn min kɛ ko anuna gbundu bu ara tii, anu ya a yen ko Alla ara anu miriya tinya. Wo kɔma, male dama nara don tara-sɔɛ rɔ tun.

Yobu 12:17

A si kun-tiginuna hɛnkilimayɛ bi anu bolo. A si a ma, kiti-tɛgɛlɛnu ni to kun-takolonya-koenu nadanna.

Yaburi 9:15

Kafirinu bi gbɛrɛ min nasigila mɔgɛnu ye, anu denu denu bi birala wo la.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Nimisa Koe 3:37

Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Luka 16:8

“Kun-tigi-kensunte kɛ tigi ya a matɔgɔ halliyɛ-su wola ko la bawo duninya-kɛ-mɔgɛnu halliyanɛ anuna koenu tɔ ka tenbi wonu na minnu bi waantɛ la.”

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.