2 Samuwɛli 16:2 - ALLALA KUMƐ

² Mansa Dawuda ya ale Saiba manyinika. A ko, “I ye tala nfen mala kɛ dama la?” Saiba ya a fɔ a ye ko, “Sofɛlɛ kɛnu nara ila denbayɛ ye alako anu kana tagama anu kian la. Dɔn-fan kɛnu, ila mɔgɛnu dɔntɛ le wonu na. Anu ba bandan tagamana kan min wulɛ rɔ, anu si anu kan lakimɛ nɔnbɔ-gbɔ-yi wo la.”

2 Samuwɛli 16:2 ပူးပေါင်းရင်းမြစ်များ

Ko-Dabirɛnu 21:29

Mansɛ wo ya a fɔ Iburayima ye ko, “Nfenna ko la i wara saga-den-musuma wɔrɔnfilɛ kɛnu sɔ anu dan na?”

Ko-Dabirɛnu 33:8

Isɔ ya Yakoba manyinika ko, “N bɛnta kolo-fen-siyamɛ minnu na, i ya wonu nata i yarɔ nfenna?” Yakoba ya a yabi ko, “N bara wonu nata alako n ni yisi-kimɛ sɔrɔn ile, n tigi bolo.”

2 Samuwɛli 15:1

Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

2 Samuwɛli 15:23

Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

2 Samuwɛli 19:26

Mɛfibasɛti ya a fɔ a ye ko, “N tigi, i ya a lɔn serr, ko namarɛ le nde la. N ya a fɔ nna wɔli-kɛlɛ Saiba ye ko a ni na nna sofɛlɛ makiri alako n ni ta i fɛ. Kɔnɔ a bɔra n kɔrɔ le.

Isikiyɛli 37:18

Ila mɔgɛnu ba i manyinika wo kɔrɛ ma,

Kɛlɛ-Kurugbɛnu 10:4

A ya den-kei mɔgɔ bi-sawa le sɔrɔn nun. Wo bɛɛsi sofɛlɛ kelen-kelen. Anu mɔgɔ bi-sawɛ kɛnu bi kun-tigiyɛ la so-kun bi-sawa kun na Kilayadi nyamanɛ rɔ. Ha bi, anu bi soe wonu kelela ko Yeya soenu.

Kɛlɛ-Kurugbɛnu 5:10

Wole nɔnfulu-tigi minnu bi sigila kirikɛnu kuma wola sofɛli-gbɛnu na, wole bolo-kolɔn minnu bi tagamana wo kiannu na, wa wo yili to kɛ ko.

1 Samuwɛli 14:28

Kɔnɔ kɛlɛ-dan do ya a fɔ a ye ko, “Male damasi mankulan le bɔnɛ ma ma kɛ la kɔnkɛ bolo bawo i fa ara ma ladanka. A ko ma do-wo-do kana dɔn-fen bila ma dɛ rɔ bi.”

1 Samuwɛli 25:27

N fa, i yandi, n bara na ila mɔgɛnu sanbɛ la. Anu bira.