2 Samuwɛli 1:21 - ALLALA KUMƐ

²¹ “Alamɛ duri anubɛ bandɛ kana yigi Kilabowa kɔnkɛ kuma. Alamɛ bin kana fɛrɛn nyɔ tun bawo kerintenuna nɛgɛ-walannu sanɛ nyɔ rɔ miliyɛ rɔ. Mansa Sɔlila nɛgɛ-walan ma ti mun tun tuli la min si a lamalan-malan.

2 Samuwɛli 1:21 ပူးပေါင်းရင်းမြစ်များ

1 Ko-Kɔrɔta-Karan 10:1

Filisitinu anubɛ Isirɛla mɔgɛnu ya kɛlɛ dabira Kilabowa kɔnkɛ ma. Isirɛla mɔgɔ-siyaman fagara nyɔ rɔ. A toenu ya anu buri. Mansa Sɔli anubɛ ala dannu fanan ya anu buri.

1 Ko-Kɔrɔta-Karan 10:8

Kɛlɛ banta lunyɛ min, wo banda kɛ, Filisitinu tara furi wonuna kɛlɛ-mirannu kankan tinɛ. Anu tara anu nabɔ Mansa Sɔli anubɛ ala den-keinu furi ma Kilabowa kɔnkɛ kuma.

Keninteya-Siginu 4:4

I kan kin, ado a makirinɛ kan-na-fan la iko Mansa Dawudata nyamanɛ kumafɛlɛn-bɛndɛ-layan-bɛ makirinɛ kɛlɛ-kurugbaya nɛgɛ-lufɛ waga kelen min na.

Aiseya 21:5

N ya min yen ko-rayirɛ wo rɔ, ladiya-wati ara ke. Gbolo-rafulennɛ ye sala fen-dɔnnɛnu ye. Bɛɛ ye fen-dɔn kun na. Tiriyante wo rɔ, kuman-kan bɔra ko, “Kɛlɛ-dannu, bɛɛ ni ala kɛlɛ-miran bi!”

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Isikiyɛli 31:15

“Nde, wo Tigi Mari ko kɔlɔma wo wa don lakira tele min ma, yi minnu bi dugi ma, n si a ma, wonu ni tugu a kun na. Wo si ma diyi-tamasere la. N si bɛnu gbala anu worɔn la. N ti sɔn yinu ni bon anu daga ma tun. Kɔlɔma wo wa faga, n si pinpi burun Lɛbanan kɔnkɛnu kuma bɛff! N si a ma gbɔngbɔn bɛɛ la ni ta gbalala.

Yowɛli 1:9

Mala dɛgɛ-munku-sarakɛnu anubɛ mala minni-sarakɛnu bara ban. Saraka-masɔlɛnu fanan bi dila bawo saraka-wo-saraka sa Mari anubɛ a Bato-Bɔnla ko la tun!

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Kɛlɛ-Kurugbɛnu 5:23

Marita melika ko, ‘Merɔsi so-burɔ-mɔgɛnu si gbalo sɔrɔn bawo anu ma ta Marita mɔgɛnu dɛnbɛn tinɛ kɛlɛ rɔ.’ ”

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 31:1

Filisitinu anubɛ Isirɛla mɔgɛnu ya kɛlɛ dabira Kilabowa kɔnkɛ kuma. Isirɛla mɔgɔ-siyaman fagara nyɔ rɔ. A toenu ya anu buri. Mansa Sɔli anubɛ ala dannu fanan ya anu buri.

1 Samuwɛli 31:8

Kɛlɛ banta lunyɛ min, wo banda kɛ, Filisitinu tara furi wonuna kɛlɛ-mirannu kankan tinɛ. Anu tara anu nabɔ Mansa Sɔli anubɛ ala den sawɛ furi ma Kilabowa kɔnkɛ kuma.