2 Pita 3:8 - ALLALA KUMƐ

⁸ Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

2 Pita 3:8 ပူးပေါင်းရင်းမြစ်များ

Yaburi 90:4

San waga kelan mani de ile yala iko tele kelan. A manɛ iko kunu min bara belen, ado a mani de fanan i yala iko kinɔgɔ-kun-kelan.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

1 Kɔrɛnti 10:1

N na-kelen-nyɔgɛnu, ma benba minnu bilara Musa fɛ, n bi a fɛ, wo ni wo yili to wonu ko. Banda-fin-gbɛ le ya anu yamatogon ha anu dama kɛndɛ tenbira Kɔgɔ-Yi-Wulan rɔ.

1 Kɔrɛnti 12:1

Nba, n na-kelen-nyɔgɛnu, n bi a fɛ ka kuma wo ye Allata Ni-Sɛnimɛta fandɛnu bara-koe rɔ. N bi a fɛ, wo ni tonyɛ lɔn wonuna ko la.

2 Pita 3:1

N diyana-mɔgɛnu, nna kɛdi fila nyɔgɛ le kɛ la n bara min sɛbɛ wo ma gbɛ! N bara n taya kɛdi filɛ kɛ bɛɛ rɔ ko n bara kumɛ minnu sɛbɛ wo ma nun, wo ni wo hɛnkili to sɛbɛna-kumɛ wonu ko a kin na!