2 Pita 3:7 - ALLALA KUMƐ

⁷ Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!

2 Pita 3:7 ပူးပေါင်းရင်းမြစ်များ

Yaburi 102:26

Fan bɛɛ si tunu yen, fɔ ile min kelen pe ye tola. Anu na si murun iko kura-kore. I si anu nakɛ a rɔ iko kura-nɔgɔnɛ.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Daniyɛli 7:9

“N bi wo fanan mafɛlan kun na, anu ya mansaya-waganɛnu nabɔ ka wonu sigi-bole rabɛn iko a bɛnta, anu ni sigi nya min. N ya Habadan-Tigi-Alla yen. Wo tara a mayigi waganɛ wo kelen tɔ. Ala kurɛnu gbɛnɛ perr! A kunyɛ gbɛnɛ ha ka gbɛ! Ala waganɛ wo, kiannu bi a la iko kirindi. Waganɛ wo ye malanna iko ta-mɛlan. Waganɛ wo kiannu silɛɛ ye tiila a ma iko ta-mɛlan.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 10:15

Wo ni wo hɛnkili to kɛ ko! Kiti-tɛgɛ-tele rɔ, Alla si kinikini Sɔdɔm anubɛ Kɔmɔra soe mɔgɛnu ma ka tenbi soe wo la!

Matiyu 11:22

Nba, n ni a fɔ wo ye. Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.

Matiyu 11:24

Nba, n ni a fɔ wo ye. Kiti-tɛgɛ-tumɛ wa ke, Alla si kinikini Sɔdɔm so-burɔ-mɔgɛnu ma ka tenbi ile la.”

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Maraka 6:11

Ni anu ma wo rabira soe min tɔ hali ka anu tole masɔ wo la, wo tenbi soe wo bolokala, wo ni wo kian ragbɔngbɔn nyɔ. Wo si ma sereyɛ la anu kan ma!”

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

Filipai 1:28

Wo kana kilan wo yogenu na mumɛ! Wo si a yira anu na ko anu si na halaki kɔnɔ wole si kisi bawo Alla le ye nɔlɛ dila wo ma!

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

Hiburunu 12:29

ado mata Alla mani de iko tɛ min si fan bɛɛ mintan gburr!

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

1 Yɔni 4:17

Ma si a lɔn kɛ le fɛ ko ni Allata keninteya-kanbalinɛ ye male rɔ, ado ni ma sigi-bole duninya kɛ rɔ wonubɛ Kirasititɛ, kelen de, ma ti kilan kiti-tɛgɛ-lunyɛ ma.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 17:11

Sogo-feremɛ wo min kɛndɛ fɔlɔ-nun kɔnɔ a faganɛ kaka, mansa segin nyɔgɛ le wo la. Mansa wɔrɔnfilɛ wonu segin nyɔgɛ le kɛ la, ado a bɔra wonu denu tɔ. Ale fanan bi a halaki-kilɛ le ma wo la.

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 21:1

Wo kɔma, n ya san-kolo-kurɛ yen anubɛ dugu-kolo-kurɛ. San-kolo fɔlɔtɛ anubɛ dugu-kolo fɔlɔtɛ, wonu bara tenbi ka tunu yen, ado kɔgɔ-yi fanan sa nyɔ tun.