2 Pita 3:17 - ALLALA KUMƐ

¹⁷ Kɔnɔ n diyana-mɔgɛnu, wo ara ban hɛnkili sɔrɔnna wonu ma min kɛ, wo ni a ma wo fɛrɛma worɔ. Tɔn-tinyalɛ wonu kana a ma, wo ni sama kilɛ ma.

2 Pita 3:17 ပူးပေါင်းရင်းမြစ်များ

Hɛnkilimaya-Kumɛnu 1:17

Ni kona ya i yen kose lasigila a ye, a ti a gbɛrɛn nyɔ ma tun!

Matiyu 16:11

N ya a fɔ min kɛ ko wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la, n sa kumala biredi wara-ko la de! Ha bi, wo ma wo nya-yen?”

Matiyu 16:6

Yisa ya a fɔ anu ye ko, “Wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la.”

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Yɔni 16:4

N bara kɛ fɔ wo ye, woletɔ anu tenbi koe kɛnu mala wo la tumɛ min, wo si wo yili to nna kumɛ kɛnu ko.” “Fɔlɔ-nun, n ma koe kɛnu fɔ wo ye bawo n bi wo fɛ wo wati rɔ.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

1 Kɔrɛnti 10:12

Woletɔ ni min bi a mirila ko a sɔnɛ gben, wo ni a ma a fɛrɛma alako a kana na bu boloko-yogomɛ-kɛ.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

Kalesiya 5:4

Wole minnu bi wo rayala ka telen Alla ye tɔn-birɛ fɛ, wo ara wotɛ bɔ Kirasiti wara-koe rɔ feu! Wo sa Allata hinɛ kɔrɔ tun.

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

Kɔlɔsi 2:5

Hali n bagbuyi sa wo fɛ, nna hɛnkili ye wo ko, ado n sewanɛ ka wo sɔnɛ yen dɛnkɛninyɛ rɔ wo nyɔgɔn fɛ Kirasiti rɔ.

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

2 Timoti 4:15

I ni a ma i fɛrɛma alela ko la bawo a ya mala kumɛ masɔsɔ kati!

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

1 Pita 5:9

Wo ni wo sɔ dɛnkɛninyɛ rɔ gben! Wo ni wo sɔ Setanɛ kan ma bawo wo ya a lɔn ko wo ta-nyɔgɛ dɛnkɛninya-mɔgɔ min bɛɛ ye duninya rɔ, wonu fanan bi tɔrɛ-su-kɛ sɔrɔnna.

2 Pita 2:7

Mɔgɔ-nyimɛ do siginɛ anu tɛma min tɔgɛ Lɔti. Wo ye anu kɛ-nya-yogomɛ wonu tayenna ka a lamɔɛn tele-wo-tele. A sɔndɔmɛ tɔrɔta anuna tɔn-tinyɛla ko la kati! Woletɔ Alla ya a kisi.

2 Pita 3:1

N diyana-mɔgɛnu, nna kɛdi fila nyɔgɛ le kɛ la n bara min sɛbɛ wo ma gbɛ! N bara n taya kɛdi filɛ kɛ bɛɛ rɔ ko n bara kumɛ minnu sɛbɛ wo ma nun, wo ni wo hɛnkili to sɛbɛna-kumɛ wonu ko a kin na!

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.