2 Pita 2:9 - ALLALA KUMƐ

⁹ A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

2 Pita 2:9 ပူးပေါင်းရင်းမြစ်များ

Yobu 21:30

Anu si a fɔ ko Alla wa tɔrɔyɛ sigi mɔgɛnu ma tumɛ min, a si kinikini karagbɛlɛnu denu ma.

Yobu 5:19

Mɔgɔ wa gbalo sɔrɔn tumɛ min, Alla si to a kunyɛ bɔla wo rɔ.

Yaburi 12:1

Mari, ma dɛnbɛ! Mɔgɔ-nyima wo mɔgɔ-nyima sa tun. Mɔgɔ sa tun min telennɛ.

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 37:33

Kɔnɔ Mari ti mɔgɛ wo gbala a yogenu bolo la. Ni anu tara a lakiti, Mari ti sɔn a kunyɛ ni to kiti wo rɔ.

Yaburi 4:3

Wo ni a lɔn yati, ko Mari ara male mɔgɔ-telennɛnu yabɔ a nyɛrɛ ye. N ba a rakele tuma-wo-tuma, a si n yabi.

Hɛnkilimaya-Kumɛnu 12:13

Mɔgɔ-karagbɛlɛ si bira a nyɛrɛta kuma-yogomɛ la iko gbɛrɛ kɔnɔ mɔgɔ-latelennɛ kunyɛ si bɔ tɔrɔyɛ rɔ.

Hɛnkilimaya-Kumɛnu 16:4

Mari ya ko-wo-ko ma, wo ma-kɔrɛ ye nyɔ. Hali karagbɛlɛnu, a ye wonu namarala kiti-tɛgɛ-telela ko la.

Matiyu 10:15

Wo ni wo hɛnkili to kɛ ko! Kiti-tɛgɛ-tele rɔ, Alla si kinikini Sɔdɔm anubɛ Kɔmɔra soe mɔgɛnu ma ka tenbi soe wo la!

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

2 Pita 2:4

Melika minnu fɔlɔn ya hakɛ kɛ, Alla ma wonu yamasansan. A ya anu nakɛ Nyahanama rɔ ka yɔlɔkɛ kɛ anu ma pinpi rɔ kiti-tele makɔnɔ tinɛ nyɔ.

2 Pita 3:7

Kɔnɔ san-kole anubɛ dugu-kole min bi kaka, wonu maranɛ Allala kuma kelen pe wo le fɛ alako a si mɔgɔ-yoge wo kiti nya min ka anu halaki tɛ la. Anu maranɛ halaki-telela ko la, yɔ!

Yude 1:6

Wo ni wo hɛnkili to melikanu fanan ko. Wo donu ma to anuna sɔ tinɛnu tɔ, fɔ ka anu ban anu nyɛrɛ sɔ tinɛ la. Alla ara wonu mara pinpi rɔ dugu kɔrɔ habadan-yɔlɔkɛ la. Anu si yiliki tele min ma, anu maranɛ wo tele makawanɛla ko la.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

1 Samuwɛli 29:10

Woletɔ bandɛ wa ka sina, wobɛ ila keminɛnu ni suru tala.”