2 Pita 2:2 - ALLALA KUMƐ

² Hali wo, mɔgɔ siyaman si bila anu sɔn-yogomɛ fɛ. Mɔgɛnu si kuma-yogomɛ fɔ ka a bɛn kila-bɛrɛ ma foninya-karan-mɔgɔ wonuna ko-ladan-nya ma.

2 Pita 2:2 ပူးပေါင်းရင်းမြစ်များ

Ko-Dabirɛnu 19:5

Anu ya Lɔti kele ka a fɔ a ye ko, “Kei minnu nara i warɛ wurɛ kɛ la, wonu bi mi? Anu nabɔ ma ye alako ma ni ma sa anu fɛ.”

Yaburi 18:21

N ya Marita tɔn bɛɛ bira, ado n ma n kan-kɔ sɔ nta Alla la.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 7:14

Kilɛ min bi tala nimaya tinɛ, wo tagama-koe gbɛlɛ. A dɛ ma kolo, ado mɔgɔ siyaman sa a yenna.

Maraka 12:14

Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Maraka 13:22

ado minnu ya anu nyɛrɛ mayira iko Alla le ya anu sɔ, wonu si bɔ gbɛ rɔ. Donu si anu nyɛrɛ ma nɛbinu na fanan. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Kɛwɔlɛnu 18:26

Apɔlɔsi kumara yisi-latɛgɛ rɔ Yahudiya-dina-bɔn la nyɔ. Akuwila anubɛ Purusila ya ala kumɛ lamɔɛn tumɛ min, wonu tara a la anu barɛ ka Allala koe faranfasi a ye a kilɛ fɛ.

Kɛwɔlɛnu 19:9

Kɔnɔ anu donu yisi gbɛlɛyanɛ. Anu ma sɔn dɛnkɛninya-koe ma. Anu ya Marita kilɛ lafɛya nyama bɛɛ yala. Woletɔ Pɔli bɔra anu fɛ ka ta Marita mɔgɛnu na a bolo Tairanala karan-bɔn la. Tele-wo-tele, a ye anu makawandila nyɔ nun.

Kɛwɔlɛnu 22:4

N ya Yisata mɔgɛnu tɔrɔya ka donu faga anu tɔ. N ya keinubɛ musinu bira ka anu nadon yele la.

Kɛwɔlɛnu 24:14

N sɔnnɛ kɛ la i ye ko n bi ma benbanuna Alla batola kilɛ min fɛ, anu denu bi a fɔla wo le ma ko foninyɛ le. Kɔnɔ mabɛ ma benbanu bi Alla kelen de batola. Koe min bɛɛ sɛbɛnɛ Musata tɔn rɔ anubɛ nɛbinuna kitabunu tɔ, n lanɛ wonu fanan na.

Romu 2:24

Ado nfan, a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo-gbɛrɛnu bi Alla rasɛla.”

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

Taita 2:5

Musu-fonike wonu ni ma nyɛrɛ-bira-mɔgɛnu na anubɛ mɔgɔ-sɛnimɛnu. Anu ni ma furu-musu-nyimɛnu anubɛ ko-nyima-kɛlɛnu na minnu bi anuna keinuna kumɛ birala. Ni wo mara, mɔgɔ-wo-mɔgɔ ti kuma-yogomɛ fɔ Allala kumɛ ma.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

2 Pita 2:12

Anu ma koe minnu nya-yen, anu bi wonu nafɛyala. Anu manɛ iko firarɔ-soge minnu ti anu miri anuna ko-ladan-nyanu ma fɔ ka bila anu kun fɛ. Anu nadannɛ anu bira-koe anubɛ anu faga-koe le la tun, ado anu si na halaki iko firarɔ-sogenu.

2 Pita 2:15

Anu bara kila-telennɛnu boloka, ha kilɛ wo ara to-a-rɔ anu ma. Anu bara bila Beyorila den Belamta kilɛ fɛ bawo wo duruta wodi sɔrɔnna ala ko-yogoma-kɛ le tɔ,

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

2 Pita 2:21

Yanni anu ni bɔ kila-bɛrɛ fɛ, anu ya min lɔn kɔrɔma la, a fisa nun, hali wonu ma telenbagaya-kilɛ wo lɔn nun ka anu kan-kɔ sɔ Allata tɔn-sɛnimɛnu na min bara di anu ma fɔlɔn.

2 Pita 2:7

Mɔgɔ-nyimɛ do siginɛ anu tɛma min tɔgɛ Lɔti. Wo ye anu kɛ-nya-yogomɛ wonu tayenna ka a lamɔɛn tele-wo-tele. A sɔndɔmɛ tɔrɔta anuna tɔn-tinyɛla ko la kati! Woletɔ Alla ya a kisi.

Yude 1:10

Kɔnɔ hali mɔgɛ kɛnu ma min lɔn, anu si wo lafɛya. Min ba na anu kunyɛ rɔ, anu bi wo le mala iko firarɔ-sogenu, ado koe wonu nyɛrɛ le ye anu halakila.

Yude 1:15

ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (