2 Pita 2:16 - ALLALA KUMƐ

¹⁶ ado Belamta sofɛlɛ ya mɔgɔni-gbu-kan fɔ ka ale Belam makuma ala tɔn-tinyɛla ko la. Wo kumara a ye alako nɛbi wo ni sɛgi ka ata yuwayɛ boloka.

2 Pita 2:16 ပူးပေါင်းရင်းမြစ်များ

Yaburi 39:11

I ye mɔgɔ makumala ala hakɛla ko la. Alla si mɔgɛ diyana-koe ban iko tunbinu si kɔn-gbɔɛ dɔn nya min. Hadama-dan bɛɛ niyi mani de iko ni-lafɛ kelan i yala.

Makawandili Kumɛnu 7:25

Nba, n ya n miriya mumɛ bɛɛ to ale hɛnkilimayɛ ma ka a lakɔrɔsi ka koe bɛɛ kɔrɛ lɔn. N ya wunduyogoyɛ lakɔrɔsi ka a lɔn minna ko la fenfen sa a rɔ fɔ kun-takolonyɛ.

Makawandili Kumɛnu 9:3

N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Luka 16:11

Ni wo ma lanayɛ kɛ duninya-kɛ-nɔnfuli la, yon si la wo la nɔnfulu-bɛrɛla ko la?

Kɛwɔlɛnu 26:11

N ya anu tɔrɔ mata dina-bɔnnu na kinyama siyaman. N ya n taya ko anu ni anuna dɛnkɛninyɛ boloka. N yisi bɔra anu kan ma ha n tara sibolo-gbɛrɛnuta soenu tɔ anu tɔrɔ tinɛ.