2 Pita 2:14 - ALLALA KUMƐ

¹⁴ Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

2 Pita 2:14 ပူးပေါင်းရင်းမြစ်များ

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Yobu 31:9

Ni n miri ara ke n sigi-nyɔgɔla musi ma tele-kelen-bɛrɛni ka a makɔni bonda-dɛ la,

Hɛnkilimaya-Kumɛnu 5:6

Musi wo sa tagamana simayɛta kilɛ fɛ, ado a ma a lɔn ko a tagama-nya ma telen.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 65:20

Tɔn si sigi den-pulan-sayɛ la. Mɔgɔ-wo-mɔgɔ ti taran nyɔ min siyi-fɛ ti yanya. Min ba san kɛmɛ bɔ, anu ko fonike le wo la fɔlɔn. Ni min siyi ma ke san kɛmɛ rɔ a ni faga, anu si a fɔ ko wunduyoge le wo la.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Isikiyɛli 13:18

I ni nde, wo Tigi Mari kuman-kan latenbi anu ma. A fɔ anu ye ko, “Gbalo ye musi wonu kuma! Anu bi fɛlɛnu nagburula ka anu kiri anu bolenu na belenna. Anu bi belenna bɛsi-fanɛnu burunna anu kun na alako anu si doinu masɔrɔn nya min. A sɔgɛ ye anu na, anu ni sɛnbɛ sɔrɔn ka mɔgɛ faga anubɛ ka mɔgɛ to a niyi la tɔnɔ-sɔrɔn-koe la.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 23:14

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye kɛɛ-musinu kensunyala ka anuna bɔnnu bi anu bolo, wo kɔma ka wo nyɛrɛ mayira wota madiyali-yannu fɛ! Wo le ya a to, wota tɔrɔyɛ si yogoya bɛɛtɛ ko!]

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

Maraka 13:22

ado minnu ya anu nyɛrɛ mayira iko Alla le ya anu sɔ, wonu si bɔ gbɛ rɔ. Donu si anu nyɛrɛ ma nɛbinu na fanan. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

1 Kɔrɛnti 11:19

ado a fɛrɛ sa fɔ wo ni taran kan kelen tɔ alako minnu bi ko-latelennɛ kɛla Alla ye, wonu ni gbɛ wo tɛma.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Yemesi 1:8

bawo a ye koe min bɛɛ kɛla, a kunyɛ rabasannɛ, a ti ko-wo-ko latɛgɛ a nyɛrɛ wara-koe rɔ.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

2 Pita 3:16

Pɔli ya kɛ le sufa sɛbɛ ala kɛdi bɛɛ rɔ. Koe doinu bi ala kɛdinu tɔ minnu lɔn-koe gbɛlɛ. Ko-lɔnbɛlɛnu anubɛ minnu sɔndɔmɛ finki-fankanɛ, wonu bi a kuman-kan mayɛlɛmana iko anu bi Allata kitabu kan tinɛ doinu mala nya min. Wo si halakiyi lana anu nyɛrɛ kuma.

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.