2 Pita 1:5 - ALLALA KUMƐ

⁵ Wola ko la, wo ni wo se-koe-bɛɛ kɛ ka nyimayɛ sa wola dɛnkɛninyɛ kuma. Wo ni lɔnnɛ fanan sa wola nyimayɛ kuma.

2 Pita 1:5 ပူးပေါင်းရင်းမြစ်များ

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Luka 16:26

Ka tenbi wo bɛɛ la, denka-filun-bɛ ye male anubɛ ile tɛma, ado ni minnu bi a fɛ ka bɔ yan ka ta i wara nyɔ, wonu ti ke tala nyɔ. Mɔgɔ ti ke bɔla i warɛ nyɔ fanan ka na male warɛ yan.’

Luka 24:21

Ma yili ye a ma nun ko ale le wo la min bi nala Isirɛla mɔgɛnu kunkala! Ka tenbi wo bɛɛ la, a tele sawa nyɔgɛ le kɛ la kebi wo mara.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Ɛfɛsa 5:17

Wo kana ma kun-takolɔnnu na worɔ. Wo ni wo sɛbɛ don Mari sako-lɔn-koe ma.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 6:11

Fananta wo ye wo niyi la, ma ye a fɛ, wo kelen-kelennamɛ-bɛɛ ni to wo rayala dɛɛ. Woletɔ wo yigi ye fan min bɛɛ kuma, wo si wonu sɔrɔn.

Yasowa 7:3

anu nara ka anu dantɛgɛ Yasowa ye ko, “Hali i ma mɔgɔ-siyaman nata. Ni i ya mɔgɔ waga fila, ni wo ma, sawa nyɔgɔn nata, wonu si soe wo nɔ. Nyɔ-mɔgɛnu ma siya.”

1 Pita 3:7

Keinu fanan, wo ni wo miri wola musinu ma. Wo ni a lɔn ko wota sɛnbɛ kolo anutɛ ko, woletɔ wo ni anu bira a kin na ka anu gbiliya, ado Alla ye duwɛ min kɛla ka habadan-nimayɛ di wo ma, wo dama rakɛn wo sɔrɔn-koe rɔ Alla bolo. Ni wo ya wo ma, fenfen ti wola Alla-matarɛ tinya.

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.