2 Pita 1:19 - ALLALA KUMƐ

¹⁹ Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.

2 Pita 1:19 ပူးပေါင်းရင်းမြစ်များ

Yaburi 119:105

Ila kumɛ ye waan rakala n ye iko lɛnpu min biranɛ n yarɔ-kilɛ la. A ye waan rakala n kin kɔrɔ.

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 41:26

Yon si ke kɛ labɔla a kunyɛ rɔ ko kɛ ye mala le yarɔ? Ni wo si ke kɛ mala le nun, ma si wo yo sa nun. Kɔnɔ wo do-wo-do ma ke kɛ fenfen fɔla ma ye. Ma ma ke fenfen namɔɛnna wo la.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Aiseya 9:2

Mɔgɛ minnu bi tagamana pinpi-fin-bɛ rɔ nun, wonu bara wan-takana-wɛ yen. Anu siginɛ pinpi-makilanni-bɛ rɔ nun kɔnɔ kaka, tele ara fɛrɛn anu ma.

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Yɔni 5:35

Yɔni-Batasi-Kɛlɛ nara waan la iko lɛnpu lamalannɛ. Wo sewara ala wan-takɛ wo la nun wati-kundu-ni kɔrɔ ka a diya bɔ.

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

1 Pita 1:10

Alla si na kisi-koe min di wo ma, nɛbinu ya wo lakɔrɔsi ka a fɛsɛfɛsɛ a kilɛ fɛ. Alla ara duwɛ min tabɛn wo ye, nɛbi wonu denu ya wɔlɔyiyɛ kɛ wola ko la.

1 Yɔni 5:10

Woletɔ ni min lanɛ Allala dan la, sereyɛ kɛ ye wo bolo a yisi rɔ. Kɔnɔ min ma la Alla la, wo ara Alla ma foninya-fɔlɛ la bawo Alla ara sereyɛ min bɔ ata danla ko la, a ma la wo la.

3 Yɔni 1:6

Anu bara ila keninteya-koe fɔ chɔchi-mɔgɛnu ye yan. I yandi, i ni to anu dɛnbɛna nya do ma min si Alla hɛnɛ anu tagama rɔ

Lankɛnimayɛ 2:28

N si banda-ka-da-lole fanan di anu ma ka a yira anu na ko anu bara nɔlɛ kɛ.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”